મુંબઇમાં અભિનેતા સુશાંત સિંહ રાજપૂતના મોત મામલે તપાસ ચાલી રહી છે. NCB આ કેસમાં ડ્રગ્સ કનેક્શનની તપાસ કરી રહી છે. દીપિકા પાદુકોણ, સારા અલી ખાન, અર્જુન રામપાલ, શ્રદ્ધા કપૂર સહિતના સેલેબ્સના મોબાઇલ ફોનને ગુજરાતના ગાંધીનગરમાં ફોરેન્સિક લેબમાં મોકલવામાં આવ્યા છે.
બોલિવુડ અભિનેત્રીઓની વધશે મુશ્કેલી
NCB એ ગુજરાત ફોરેન્સિકને મોકલ્યા 85 ગેજેટ્સ
દીપિકા, સારા, શ્રદ્ધાની વધશે મુશ્કેલી
નાર્કોટિક્સ કંટ્રોલ બ્યુરો NCB એ ગુજરાતના ફોરેન્સિક સાયન્સ ડિરેક્ટોરેટ ગાંધીનગરમાં બોલિવૂડ સ્ટાર્સના 85 ગેજેટ્સ મોકલ્યા છે. છેલ્લા 45 દિવસમાં મોકલેલા ગેજેટ્સમાં 30 મોબાઈલ ફોનનો ડેટા કાઢ્યા પછી તે NCB ને પરત કરવામાં આવ્યો છે. NCB હાલમાં અભિનેતા સુશાંત સિંહ રાજપૂત નાં મોત કેસમાં ડ્રગ્સ એંગલની તપાસ કરી રહી છે. જેના આધારે મુંબઈમાં દરોડા અને ધરપકડ કરવામાં આવી રહી છે.
30 ફોનના ડેટા કાઢી NCBને પરત કરાયા
આ ગેજેટ્સમાંથી આવેલા ડેટામાં ડિલીટ કરી નાખેલી વોઇસ ક્લિપ્સ, વિડિઓ ક્લિપ્સ અને ચેટ સંદેશાઓ અને મોબાઇલ નંબર પણ શામેલ છે. NCB મુંબઇથી પકડાયેલા ડ્રગ્સના નમૂનાઓ પણ ફોરેન્સિક લેબમાં તપાસ માટે મોકલી રહ્યું છે. આ દવાઓના નમૂનાઓની તપાસ કરવામાં આવી રહી છે અને રિપોર્ટ્સ બનાવવામાં આવી રહ્યા છે જેથી ડ્રગ નેટવર્કથી જોડાયેલા સપ્લાયર્સ અને ખરીદદારો પહોંચી શકાય. અત્યાર સુધી 25 ડ્રગના નમૂનાઓ ફેરેનસિંક લેબમાં મોકલવામાં આવ્યા છે.
આ સેલેબ્સના મોબાઇલ ફોન કબજે કર્યા છે
ફોરેન્સિક તપાસ માટે મોકલેલા મોટાભાગના ગેજેટ્સ મોબાઇલ એ કોઈને કોઈ સેલિબ્રિટી, તેમના પરિચિતો અને આરોપી ડ્રગ સપ્લાયરોના છે. આ સિવાય બે લેપટોપ, ટેબ્લેટ્સ અને પેન ડ્રાઈવો છે. સૂત્રોના જણાવ્યા અનુસાર, ફોરેન્સિક લેબ પર જે મોબાઈલ મોકલાયા છે તે છે રિયા ચક્રવર્તી, તેનો ભાઈ શૌવિક, સારા અલી ખાન, અર્જુન રામપાલ, શ્રદ્ધા કપૂર, દીપિકા પાદુકોણ અને તેમની સાથે સંકળાયેલા લોકોના છે.
નોંધનીય છે કે NCB ના હાથમાં બોલિવૂડ સેલેબ્સની Whatsapp ચેટની માહિતી આવતા ઘણા બોલિવૂડ સેલેબ્સ મુશ્કેલી વધી શકે છે, આ પહેલા આ કેસમાં રકુલ પ્રીત સિંઘ, શ્રદ્ધા કપૂર, સારા અલી ખાન અને દીપિકા પાદુકોણની પૂછપરછ થઈ ચૂકી છે, આ સિવાય દીપિકાની મેનેજરની પણ પૂછપરછ થઈ ચૂકી છે, આમ આ તપાસથી બોલિવૂડના ડ્રગ કનેકશન વિશે વધુ માહિતીબહાર આવે તેવી શક્યતા છે.