સુરત / કોરોનાની સંભવિત ત્રીજી લહેરના ભયને જોતા સુરતના કાપડ ઉદ્યોગકારોએ લીધો મહત્વનો નિર્ણય 

• ઓવર પ્રોડક્શન થતા માલનો ભરાવો થવાનો ભય
• દક્ષિણ ભારતમાં કોરોના વકરતા કાપડ ઉદ્યોગ પર અસર
• ઓનલાઇન વેપારમાં છેતરપિંડીના કિસ્સાઓએ ચિંતા વધારી 

આ વખતે સુરતમાં કાપડ ઉદ્યોગમાં કોરોનાની સંભવિત ત્રીજી લહેરનો ભય જોવા મળી રહ્યો છે ત્યારે હવે ઉદ્યોગકારો પ્રોડક્શન ઓછું રાખવાની રણનીતિ બનાવી રહ્યા છે. મહત્વનું છે કે કોરોની બીજી લહેર દરમિયાન સુરતમાં કાપડ ઉદ્યોગને મોટો ફટકો પડ્યો હતો, લોકડાઉનના સમય બાદ  આર્થિક મંદીનો માર સહન કરવાનો વારો આવ્યો હતો.

ઓવર પ્રોડક્શન થતા માલનો ભરાવો થવાનો ભય

ત્યારે સુરતમાં માર્કેટના વેપારીઓની વિવિધ સમસ્યાને મુદ્દે સાઉથ ગુજરાત ટેક્ષટાઈલ ટ્રેડર્સ એસોસિએશન દ્વારા વેપારીઓ સાથે એક મિટિંગનું આયોજન યોજાઈ હતી જેમાં દેશ અને રાજ્યોમાં કોરોના પરિસ્થિતિને ધ્યાનમાં રાખીને આ વખતે દિવાળી, લગ્નની સિઝન માટે ડિમાન્ડ પૂરતો જ સ્ટોક રાખવાનો નિર્ણય કરાયો હતો, મહત્વનું છે કે ઓવર પ્રોડક્શન થતા માલનો ભરાવો થવાનો ભય ઉદ્યોગકારોમાં જોવા મળી રહ્યો છે. 

દક્ષિણ ભારતમાં કોરોના વકરતા કાપડ ઉદ્યોગ પર અસર

ખાસ કરીને કોરોનાની ત્રીજી લહેરની શક્યતા જોતાં વેપારીઓને નુકસાનથી બચવા માટે ઓવર પ્રોડક્શન નહીં કરવા માટે એસોસિએશને સલાહ આપી છે ઉલ્લેખનિય છે તે ત્રીજી લહેરની સંભાવના વચ્ચે કાપડ ઉદ્યોગમાં 50 થી 60 % માંગ ઘટી ત્યારે  કેરળ, કર્ણાટક, તેલંગણા, આંધ્રપ્રદેશમાં કોરોનાની પરિસ્થિતિ જોતાં સુરતના વેપારીઓનું કામ છેલ્લાં ઘણાં મહિનાથીઓથી અડધું થઈ ગયું છે. 

ઓનલાઇન વેપારમાં છેતરપિંડીના કિસ્સાઓએ ચિંતા વધારી 

બીજી તરફ ઓનલાઈન વેપારમાં છેતરપિંડીના કિસ્સાઓ પણ વધતા વેપારીઓ ચિંતામાં મુકાયા છે, જેથી વેપારીઓ ચેક અથવા પ્રોમિસરી નોટ સાથે જ વેપાર કરવા મજબૂર બન્યા છે. ત્યારે ટેક્ષટાઈલ ટ્રેડર્સ એસોસિએશનની મળેલી બેઠકમાં વિવિધ મુદ્દે ચર્ચા કરવામાં આવી હતી.