ઓનલાઈન ગેમ રમતા રમતા થયેલો પ્રેમ યુવતીને ભારે પડ્યો. જ્યારે કિશોરી પ્રેમમાં અંધ થઈ પ્રેમીના ઘરે પહોંચી તો યુવકની બધી જ પોલ ખુલી ગઈ હતી. ત્યારે કિશોરી પાસે ક્યાં જઉ, કોને કહું એવા અનેક સવાલ હતા. અંતે તેણે મહિલા હેલ્પ લાઈન 181 અભયમ્’ની મદદ માંગી હતી. જાણો પછી શું થયું. એવી તો કઈ પોલ ખૂલી ગઈ પ્રેમીની...
ગેમ રમતા રમતા યુવક યુવતી પ્રેમમાં પડ્યા
પ્રેમી અન્ય યુવતીના પ્રેમમાં હતો
લોકડાઉનમાં પ્રેમીની પોલ ખુલી
ભરુચમાં રહેતી 17 વર્ષીય સ્વરા ઓનલાઈન ગેમ રમતા રમતા ભાવનગરના 20 વર્ષીય રાહુલના પ્રેમમાં પડી હતી. બન્ને ગેમના માધ્યમથી એકબીજાની નજીક આવ્યા અને મિત્રતા પ્રેમમાં પરિણમી હતી. એ બાદ 6 મહિના પહેલા સ્વરા રાહુલ સાથે લગ્ન કરવા ઘરેથી ભાગી ગઈ હતી. તે 6 મહિનાથી રાહુલની સાથે રહેતી હતી. જોકે 3થી 4 મહિનાથી રાહુલ તેની સાથે સરખુ વર્તન કરતો નહોતો અને તેની સાથે લગ્ન પણ કરતો નહોતો. લોકડાઉનમાં સ્વરાને ખબર પડી કે તે અન્ય એક યુવતીના પ્રેમમાં છે. જેના કારણે તે સ્વરા સાથે લગ્ન કરી રહ્યો નથી.
અંતે સ્વરાએ મહિલા હેલ્પલાઈન 181ની મદદ માંગતા હેલ્પલાઈનના કાઉન્સેલર કોમલ પરમારે રાહુલના કાકા- કાકી અને તેના પરિવારનું કાઉન્સલિંગ કર્યુ અને કડક શબ્દોમાં તેમને કહ્યું કે સ્વરા સગીર હોવાથી તેને ભગાડીને લાવવી અને તેના લગ્ન કરવવા બન્ને ગુનો છે. સ્વરાના પરિવારને ફોન કરી સ્વરા અંગે જાણ કરી. સ્વરાને રાહુલના ઘરેથી વન સ્ટોપ સખી સેન્ટર મુકવામાં આવી. જોકે તે ત્યાં રહેવા માંગતી ન હોઈ સ્વરાના મામા અંકલેશ્વરથી તેને ભાવનગર લેવા માટે આવ્યા હતા. તેમજ રાહુલ પાસે બાંહેધરી લેવામાં આવી કે તે સ્વરાને ક્યારેય હેરાન ન કરે.