મહેસાણાના ખેરાલુના ટીંબલી વાસમાં આવેલી સરકારી પ્રાથમિક શાળા નં. 3માં ધો.6માં ભણતા ત્રણ વિદ્યાર્થીઓ લેશન નહીં લાવતા વર્ગ શિક્ષક મનુભ પ્રજાપતિએ આ વિદ્યાર્થીઓને બંગડી પહેરવાની સજા કરતાં વાલીઓએ હોબાળો મચાવ્યો હતો. આવી વિચિત્ર સજાની વાલીઓએ ફરિયાદ કરતાં શિક્ષણ વિભાગે તપાસ હાથ ધરી હતી. લેશન નહીં કરવાની સજામાં બંગડી પહેરાવામાં આવતાં આવા વિદ્યાર્થીઓએ શાળાએ ન જવાની હઠ કરી વાલીઓને શાળાએ જવા નનૈયો ભણ્યો હતો. જેને લઇને વાલીઓ શાળાએ દોડી ગયા હતા અને આચાર્યને ફરિયાદ કરી હંગામો કર્યો હતો.
આ મામલે વાલીઓએ તાલુકા પ્રાથમિક શિક્ષણાધિકારી કલ્પનાબેન ચૌધરીને ફરિયાદ કરતાં તેઓ શાળાએ દોડી ગયા હતા. ત્યારે વિદ્યાર્થીઓને શાળામાં લેશન ન લાવવામાં બંગડી પહેરાવાની સજા કરતા વાલીઓએ શિક્ષક બદલવા માટે ઉગ્ર માગ કરી છે.