અફઘાનિસ્તાનનો કબજો સંભાળ્યા બાદ તાલિબાને પહેલી વાર પ્રેસ કોન્ફરન્સ કરીને દુનિયાને માન્યતા આપવાની અપીલ કરી.
તાલિબાને પહેલી વાર પ્રેસ કોન્ફરન્સ કરી
આંતરરાષ્ટ્રીય સમુદાયને કરી મોટી અપીલ
તાલિબાન શાસનને માન્યતા આપવાનું જણાવ્યું
દૂતાવાસ કે સંસ્થાને નુકશાન નહીં કરીએ
પ્રેસ કોન્ફરન્સને સંબોધતા તાલિબાની પ્રવક્તા જબીહુલ્લાહ મુજાહિદીએ વિશ્વાસથી કહ્યું કે અમે કોઈ પણ આંતરરાષ્ટ્રીય દૂતાવાસ કે સંસ્થાને નુકશાન નહીં કરીએ. પ્રવક્તાએ કહ્યું કે આંતરાષ્ટ્રીય સમૂદાયે તાલિબાન સરકારને માન્યતા આપવી જોઈએ.
અમારા તરફથી કોઈને પણ ખતરો નથી, આંતરરાષ્ટ્રીય સમુદાય માન્યતા આપે
પ્રવક્તાએ જણાવ્યું કે વીતેલા સમયમાં અમે જેની પણ સાથે યુદ્ધ કર્યું તેને અમે માફ કરી દીધા છે, તાલિબાન લોકોની સુરક્ષા કરવા કટિબદ્ધ છે. અમે કોઈની પણ સાથે બદલાની ભાવનાની કામ નહીં કરીએ.તાલિબાની પ્રવક્તાએ પડોશી દેશોને એવી પણ ખાતરી આપી કે આતંકવાદ માટે અમારા દેશનો કદી પણ ઉપયોગ નહીં કરવા દીએ. અમને આશા છે કે આંતરરાષ્ટ્રીય સમૂદાય અમને માન્યતા આપશે.
મહિલાઓ સાથે કોઈ ભેદભાવ નથી
મુજાહિદે મહિલાઓ પર તાલિબાનની સ્થિતિ સ્પષ્ટ કરી અને કહ્યું કે તેઓ મહિલાઓને ઇસ્લામના આધારે તેમના અધિકારો આપવા પ્રતિબદ્ધ છે. તેઓ કહે છે કે મહિલાઓ આરોગ્ય ક્ષેત્રે અને અન્ય ક્ષેત્રોમાં જ્યાં જરૂર હોય ત્યાં કામ કરી શકે છે. તેમનું કહેવું છે કે મહિલાઓ સાથે કોઈ ભેદભાવ કરવામાં આવશે નહીં. તાલિબાની પ્રવક્તાએ જણાવ્યું કે તાલિબાન સરકારના રાજમાં મહિલાઓ સ્કૂલો અને હોસ્પિટલોમાં કામ કરી શકશે. ઈસ્લામ પ્રમાણે મહિલાઓને અધિકાર મળશે, તેમજ તેમની સાથે કોઈ પણ પ્રકારનો ભેદભાવ નહીં કરવામં આવે. અફઘાનિસ્તાનને તેના નાગરિકો માટે અનુરુપ સિદ્ધાંતો માટેના નિયમો બનાવવાનો હક છે. તેથી બીજા દેશોએ અમારુ સન્માન કરવું જોઈએ.
મીડિયાને કામ કરવાની પૂરી આઝાદી આપીશું-તાલિબાની પ્રવક્તા
અમે લોકો કાબુલમાં અફરાતફરીનો માહોલ ઈચ્છતા નથી. તેથી કાબુલ બહાર અટકી ગયા હતા. ત્યાર બાદ હિંસા વગર સત્તા હસ્તાંતરણ થયું. ભૂતકાળની સરકાર અયોગ્ય હતી. તે લોકોને સુરક્ષા પણ આપતી નથી. અમે તમામ વિદેશી સંસ્થાઓને સુરક્ષા આપીશું. અમે અફઘાનિસ્તાનની અંદર અને બહાર કોઈને પણ દુશ્મન બનાવવા માગતા નથી. અમે મીડિયાને કામ કરવાની પૂરી આઝાદી આપીશું. પ્રવક્તાએ કહ્યું કે અમારા રાજમા મીડિયાને પૂરી આઝાદી મળશે પરંતુ મીડિયાએ ઈસ્લામિક મૂલ્યોની વિરૃદ્ધ કામ કરવાનું બંધ કરી દેવું પડશે.