કશ્મીરમાં આતંકીઓ પાસે પહોંચ્યા અમેરિકી સેનાના હથિયાર.. તાલિબાનીઓનો નવો ખેલ
સેના સામે નવો પડકાર
આતંકીઓના હાથમાં અમેરિકી હથિયાર
તાલિબાન વેચી રહ્યું છે અમેરિકી હથિયાર
અમેરિકી સેનાએ અફઘાનિસ્તાનને અલવિદા કહી દીધુ છે. ઑગષ્ટ 2021માં અમેરિકાનું છેલ્લું વિમાન અમેરિકન કમાન્ડર અને રાજદૂતને લઇને અફઘાનિસ્તાનથી ઉડ્યુ હતુ. અફઘાનિસ્તાનમાંથી અમેરિકી સેના સંપૂર્ણપણે નીકળી ગઇ હતી. પરંતુ અફઘાનિસ્તાનમાં અમેરિકી સેના હથિયાર છોડતી ગઇ હતી અને તેનો જ લાભ ઉઠાવ્યો તાલિબાને. તાલિબાન અમેરિકી સેનાના હથિયારો આતંકીઓને વેચીને તમાશો જોઇ રહ્યું છે.
કાશ્મીરના આતંકીઓ પાસે અમેરિકી હથિયાર
અફઘાનિસ્તાનમાં તાલિબાનીઓનું રાજ છે. આ તાલિબાનીઓ પોતે આતંકીઓ હોવાનો પુરાવા આપવાનું ક્યારેય છોડતા નથી. ત્યારે અમેરીકી સેનાના હથિયાર આતંકીઓને વેચ્યા હોવાનું સામે આવતા તાલિબાનીઓની હલકી રાજનીતિ છતી થઇ છે. કાશ્મીરમાં આતંકીઓ પાસે અમેરિકી સેનાના હથિયાર પહોંચ્યા હોવાનુ સામે આવ્યુ છે. ISI આ હથિયારોને કશ્મીરમાં આતંકીઓને મોકલી રહ્યું છે. અમેરિકી સેનાએ અફઘાનિસ્તાન છોડતાં તાલિબાન ચીન અને ISIને સૈન્ય હથિયાર વેચી રહ્યા છે.
આતંકી સંગઠને આતંકીઓના ફોટા કર્યા અપલોડ
આતંકી સંગઠન PAFFના વાયરલ વીડિયોમાં અમેરિકી હથિયાર જોવા મળ્યા હતા. આતંકી સંગઠને કેટલાક આતંકીઓના હથિયાર સાથે પણ ફોટા અપલોડ કર્યા છે. વળી આતંકીઓનો દાવો પણ છે કે પૂંછમાં થયેલા હુમલામાં આતંકીઓએ અમેરિકી સૈન્યના હથિયારોનો ઉપયોગ કર્યો હતો.
આતંકીઓ પાસે હતા આ હથિયાર
M249 ઓટોમેટિક રાઈફલ
509 ટેક્ટિકલ ગન
M1911 પિસ્તોલ
M4 કાર્બાઈન અસોલ્ટ રાઈફલ
80 મિલિયન અમેરિકી ડોલરના હથિયાર તાલિબાન પાસે
તાલિબાનીઓએ અફઘાનિસ્તાન પર કબજો કરતા અમેરિકી સેનાએ અફઘાનિસ્તાનમાંથી એક્ઝિટ લેવી પડી લીધી હતી.ઓગષ્ટ 2021માં અમેરિકી સેનાનું છેલ્લુ હેલિકોપ્ટર અફઘાનિસ્તાનમાંથી ઉડ્યુ હતુ. જો કે આ સમયે અમેરિકી સેના પરત ફરી ત્યારે અફઘાનિસ્તાનમાં 80 મિલિયન અમેરિકી ડોલરના હથિયાર છોડીને ગઇ હતી. જેમાં 6 લાખથી વધુ મશીન ગન, પિસ્તોલ, ગ્રેનેડ લોન્ચર જેવા હથિયારોનો સમાવેશ થાય છે.
આતંકીઓ પાસેથી મળ્યા અમેરિકી હથિયાર
જમ્મુ કાશ્મીરમાં સૈન્ય અને આતંકીઓ વચ્ચે મૂઠભેડ ચાલતી રહે છે. જેમાં છેલ્લા બે સપ્તાહમાં જવાનોએ કાશ્મીરમાં 14 આતંકીઓને
ઠાર માર્યા જેમાંથી 6 આતંકીઓ પાકિસ્તાની હતા.અહીં નવાઇની વાત તો એ છે કે ઠાર કરાયેલા આતંકીઓ પાસે અમેરીકી હથિયારો મળી આવ્યા હતા.