અફઘાન / લ્યો બોલો! હવે તાલિબાને અમેરિકાને આપી દીધી મોટી ચેતવણી, જો માન્યતા નહીં આપો તો...

• તાલિબાને અમેરિકાને આપી ચેતવણી 
• માન્યતા ન મળવા પર તાલીબાન થયું લાલચોળ 
• કહ્યું અફઘાનિસ્તાન જેવી હાલક દરેક દેશની થશે 

તાલિબાને અફઘાનિસ્તાન પર કબ્જો તો મેળવી લીધો છે પરંતું હજું પણ તેમને દેશ ચલાવામાં મોટા પડકારોનો સામનો કરવો પડી રહ્યો છે. અફઘાનિસ્તાનના લોકો ભૂખમરીમાં જીવી રહ્યા છે. લોકોને 2 ટાઈમનું ખાવાનું પણ અહીયા નથી મળ્યું ત્યારે આવા સમયે તાલિબાને અમેરિકા સહિત અન્ય દેશોને ચેતવણી આપી છે. 

તાલિબાનના પ્રવક્તાએ આપ્યું મોટું નિવેદન 

તાલિબાનના પ્રવકત્તા જબીહુલ્લા મુજાહિદે શનિવારે પ્રેસ કોન્ફરન્સમાં કહ્યું કે જો તાલિબાનને માન્યતા આપવામાં નહી આવે તો અફઘાનિસ્તાનમાં જે સમસ્યા સર્જાઈ છે તે સમસ્યા પૂરા દેશની સમસ્યા બની જશે. સાથેજ તેમણે એવું પણ કહ્યું કે અમેરિકા સાથે પહેલા પણ યુદ્ધ એટલા માટે થયું હતુ કારણકે બંને દેશો વચ્ચે સંબંધો સારા ન હતા. 

અફઘાનિસ્તાનમાં લોકો ભૂખમરીમાં જીવી રહ્યા છે

હાલ વિશ્વના એક પણ દેશે તાલિબાન સરકારને માન્યતા નથી આપી. જોકે પાકિસ્તાન સહિતના અમુક એવા દેશો પણ છે કે જેઓ તાલિબાનની મદદ કરી રહ્યા છે. અફઘાનિસ્તાન હાલ ગરીબી અને ભૂખમરી નીચે જીવી રહ્યું છે. જેથી તાલિબાન પોતાને હવે લાચાર માની રહ્યું છે. દેશના ઘણા બધા વિસ્તારોમાં શ્રમીકો તાલીબાન પાસેથી ઘઉ ખરીદીને કામ ચલાવી રહ્યા છે. 

અરબો ડોલરની સંપત્તિ વિદેશોમાં ફ્રીઝ 

અફઘાનિસ્તાનની હાલત હાલમાં એટલી ખરાબ છે કે ત્યાની અરબો ડોલરની સંપત્તિ પણ વિદેશોમાં ફ્રીઝ તઈ ગઈ છે. ભલે તાલીબાનને હજુ કોઈ દેશે માન્યતા નથી આપી પરંતુ અમુક દેશના સીનિયર અધિકારીઓ તાલિબાન નેતા સાથે મુલાકાત કરી ચુક્યા છે. જેમા પાકિસ્તાન સહિતના દેશો પણ શામેલ છે.