અફઘાનિસ્તાનમાં પાકિસ્તાન સામે વિરોધ પ્રદર્શન કરી રહેલી રેલી પર તાલિબાને ફાયરિંગ કર્યું હોવાની માહિતી સામે છે. જેનો વીડિયો પણ સામે આવ્યો છે. જે વીડિયોમાં લોકો પોતાનો જીવ બચાવવા ભાગી રહ્યા છે.
તાલિબાને ફરી પોતાની બર્બરતા દાખવી
વિરોધ પ્રદર્શન રેલી પર કર્યુ ફાયરિંગ
જીવ બચાવવા માટે રેલી છોડી લોકો દોડ્યા
#Breaking (Asvaka Exclusive)
Happening now near Presidential Palace.
Taliban open fire on anti-Pakistan protesters who were marching towards ARG & Kabul Serena Hotel where the #Pak ISI director is living. pic.twitter.com/XvtMcM3OcI
અફઘાનિસ્તાનમાં ફરી તાલિબાનની ક્રૂરતા સામે આવી છે. કાબુલમાં પાકિસ્તાન વિરોધી રેલી કાઢવામાં આવી હતી. તે સમયે રેલીને વેરવિખેર કરવા માટે તાલિબાને ફાયરિંગ કર્યું. આજે અફઘાનિસ્તાનના અલગ અલગ વિસ્તારોમાં પાકિસ્તાન સામે લોકોએ વિરોધ પ્રદર્શન કાઢ્યું જેમા લોકો રસ્તા પર ઉતરીને વિરોધ કરી રહ્યા છે.
રાષ્ટ્રપતિ પેલેસ પાસે ફાયરિંગ
અફઘાનિસ્તાનની સ્થાનિક મીડિયાના રિપોર્ટ પ્રમાણે તાલિબાને રાષ્ટ્રપતિ પેલેસ પાસે ફાયરિંગ કર્યું હતું, અહીયા મોટી સંખ્યામાં લોકો પ્રદર્શન કરી રહ્યા હતા. આપને જણાવી દઈએ કે રાષ્ટ્રપતિ પેલેસ પાસે કાબુલ સેરેના હોટલ આવેલી છે. જ્યા પાકિસ્તાનની ખાનગી એજન્સી ISIનો ચીફ છેલ્લા એક સપ્તાહથી રોકાયેલો છે.
પાકિસ્તાને મદદ કરી તેને લઈને વિરોધ
છેલ્લા 2 દિવસમાં અપઘાનિસ્તાનના લોકો પાકિસ્તાન સામે વિરોધ પ્રદર્શન કરી રહ્યા છે. જેમા પાકિસ્તાનની મદદ લઈને તાલિબાને પંજશીર પર જે હુમલો કર્યો હતો. તેનો વિરોધ કરવામાં આવી રહ્યો છે.
પંજશીરમાં ડ્રોન વડે હુમલોને કારણે લોકોમાં રોષ
પંજશીરમાં પાકિસ્તાની વાયુસેના દ્વારા નોર્દર્ન એલાયંસના ઠેકાણાઓ પર ડ્રોન વડે હુમલો કરવામાં આવ્યો હતો. જેના કારણે અફઘાનિસ્તાનની જનતામાં રોષ ફેલાયેલો છે. પરિણામે કાબુલ તેમજ મજાર એ શરીફમાં પ્રદર્શન કરવામાં આવી રહ્યું છે. ખાસ વાત એ છે કે પ્રદર્શન કારીઓમાં મહિલાઓ સૌથી આગળ છે.
અમેરિકામાં પણ પાકિસ્તાન સામે વિરોધ પ્રદર્શન
ઉલ્લેખનીય છે કે માત્ર અફઘાનિસ્તાનમાં નહી પરંતુ વોશિંગટનમાં પણ અફઘાની નાગરિકોએ પાકિસ્તાન સામે વ્હાઈટહાઉસની બહાર વિરોધ કર્યો હતો. બીજી તરફ ISI ચીફ પણ અફઘાનિસ્તાનમાં છે જે સરકાર બનાવાની પ્રક્રિયામાં મોટો ભાગ ભજવી રહ્યા છે. તેને લઈને લોકોમાં ભારે રોષનો માહોલ ફેલાયેલો છે.