અફઘાનિસ્તાન / કાબુલ પર કબજો કરવાની તૈયારીમાં તાલિબાન! માત્ર 130 કિમી દૂર, પાંચ દિવસમાં 9 શહેરોમાં શાસન સ્થાપ્યું

• એક સપ્તાહમાં 9 શહેરો પર તાલિબાને કબ્જો કર્યો 
• પરિસ્થિતી કાબૂની બહાર જતા રાષ્ટ્રપતિ ગની દોડતા થયા 
• મજાક-એ-શરીફમાં મદદ માટે મોટા નેતાઓ સાથે કરી વાતચીત 

અફઘાનિસ્તાનમાં હવે પરિસ્થિતી દિવસેને દિવસે વધારે વણસી રહી છે. છેલ્લા એક સપ્તાહમાં તાલિબાને અહીયા 9 જેટલા શહેરો પર કબ્જો જમાવી લીધો છે. સાથે તાલિબાની આતંકીઓએ કંધાર જેલ તોડીને ત્યાથી તેમના સાથીઓને નિકાળી લીધા છે. ઘણી સરકારી સંપત્તિઓ પર હાલ તાલીબાને તેમનો કબ્જો જમાવી લીધો છે. હાલ તેઓ ગજની સુધી પહોચી ગયા છે. અને કાબુલ ગજનીથી માત્ર 130 કમી દુર છે. 

મજાર-એ-શરીફ અફઘાનનું ચોથું મોટુ શહેર 

પરિસ્થિતી કંટ્રોલની બહાર જતી રહેતા અફઘાનિસ્તાનના રાષ્ટ્રપતિ મદદ માટે ભટકી રહ્યા છે. તેમણે ઉત્તરી શહેર મજાર એ શરીફમાં અફઘાન નેતા મોહમ્મદ નૂીર અને અબ્દુલ રાશિદ દોસ્તામ સાથે મુલાકાત લીઘી જ્યા તેમણે સુરક્ષાને લઈને ચર્ચા કરી હતી. મજાર-એ-શરીફ અફઘાનિસ્તાનનું ચોથું સૌથી મોટું શહેર છે. 

મજાર-એ-શરીફને હવે તાલીબાનો ટાર્ગેટ કરશે 

આપને જણાવી દઈએ કે તાલિબાનો હવે મજાર-એ-શરીફને ટાર્ગેટ કરવાના છે. જેથી ભારતે પણ તેમના રાજદૂતોને ત્યાથી પરત બોલાવી લીધા છે. સાથેજ ભારતના નાગરીકો પણ દેશ છોડી દે તેવી અપીલ કરવામાં આવી છે. 

રાષ્ટ્રપતિની મોટા નેતાઓ સાથે બેઠક 

અફઘાનિસ્તાનની મીડિયા દ્વારા કહેવામાં આવ્યું છે કે રાષ્ટ્રપતિ ગનીએ મજાર-એ-શરીફમાં મોટા નેતાઓ સાથે બેઠક કરી હતી. જે બેઠકમાં ઉત્તરીય પ્રદેશોની સ્થિતીને લઈને ચર્ચા કરવામાં આવી છે. ત્યા તાલિબાને ઘણા બધા વિસ્તારમાં પોતાનો કબ્જો જમાવી લીધો છે. 

અફઘાનિસ્તાનમાં પરિસ્થિતી કાબૂની બહાર 

રાષ્ટ્રપતિ ગની તે વાતને સમજી ગયા છે કે હવે પરિસ્થિતી તેમનુા કંટ્રોલની બહાર જઈ રહી છે. જેથી તેઓ અફઘાનિસ્તાનના પ્રભાવશાલી લોકોનો સંપર્ક કરીને મદદ માટે અપીલ કરી રહ્યા છે. 

સરકારી ઓફિસરોએ તાલિબાન સામે હથિયાર મૂક્યા 

ટ્વીટર પર ટ્વીટ કરીને તાલીબાને જણાવ્યું છે કે તેમણે રાષ્ટ્રીય પોલીસ મુખ્યાલય, કેન્દ્રીય જેલ અને અન્ય સરકારી બળોની સુવિધાઓ પર કબ્જો મેળવી લેવામાં આવ્યો છે. હાલ તાલીબાન કાબુલથી પણ માત્ર 130 કિમી દૂર છે. જે રાષ્ટ્રપતિ ગની માટે એક ચિંતાનો વિષય બન્યો છે. બીજી તરફ એવી માહિતી પણ સામે આવી છે કે ફરાહના સૂબાઈ ગવર્નર સાથે ચાર સરકારી ઓફિસરોએ તાલિબાન સામે હથિયાર મૂકી દીધા છે. 

અફઘાનિસ્તાનની સેના પ્રમુખ બદલાયા 

ઉલ્લેખનીય છે કે વધતા જતા તાલીબાનોના આતંકને કારણે અફઘાનિસ્તાનના રાષ્ટ્રપતિએ તેની સેના પણ ફેરફાર કર્યા છે. હાલ અફઘાનિસ્તાનમાં હેબતુલ્લાહ અલીજાઈને નવા સેના પ્રમુખ બનાવામાં આવ્યા છે.