કાર્યવાહી / તંત્રએ અચાનક ચેકિંગ કરતાં AMTS ના જુઓ કેટલા ડ્રાઈવર પીધેલા ઝડપાયા, અધિકારીઓ પણ ચોંક્યા 

• AMTS બસ ડ્રાઈવરને લઈ તંત્ર એક્શનમાં
• 7 બસ ડ્રાઇવર ઝડપાયા નશાની હાલતમાં
• વીડિયો વાયરલ થતા AMCએ કરી કાર્યવાહી 
• નશાખોર ડ્રાઈવર સામે થશે કાર્યવાહી 

અમદાવાદમાં તાજેતરમાં AMTS બસ ડ્રાઈવર ચાલુ ડ્યુટીએ નશો કરેલી હાલતમાં ઝડપાયા બાદ અમદાવાદ મ્યુનિસિપલ કોર્પોરેશનની વિજીલન્સ ટીમ દ્વારા આજે અમદાવાદ સારંગપુર AMTS ટર્મિનલ ખાતે બસના ડ્રાઈવરોનું ચેકિંગ હાથ ધરવામાં આવ્યું હતું. જેમાં અત્યાર સુધી 7 ડ્રાઇવર નશાની હાલતમાં ઝડપાયા છે.  

સારંગપુર AMTS ટર્મિનલ ખાતે ચેકિંગ 

AMTS બસ ડ્રાઈવર ચાલુ નોકરીએ નશામાં ઝડપાતા તંત્ર એક્શનમાં આવ્યું હોય તેમ AMCની વિજિલન્સ ટીમ દ્વાર બસ ડ્રાઇવરોનું ચેકિંગ કરાયું છે. અમદાવાદ સારંગપુર AMTS ટર્મિનલ ખાતે ચેકિંગ દરમ્યાન AMTSના 7 ડ્રાઇવર નશાની હાલતમાં ઝડપાયા છે. ડ્રાઈવર ડ્યુટી શરૂ કરે તે પહેલાં જ બ્રેથ એનેલાઈઝરથી ચેકિંગ કરવામાં આવ્યું હતું. જેમાં AMTSના અમુક ડ્રાઈવર રિપોર્ટ નિલ આવ્યા બાદ તેઓને બસ લઈને જવા દેવામાં આવ્યા હતા. 

શું કહ્યું વિજિલન્સની ટીમે ? 

અમદાવાદ મ્યુનિસિપલ કોર્પોરેશનની વિજીલન્સ ટીમ દ્વારા આજે અમદાવાદ સારંગપુર AMTS ટર્મિનલ ખાતે બસના ડ્રાઈવરોનું ચેકિંગ હાથ ધરવામાં આવ્યું હતું. જેમાં  7 ડ્રાઇવર નશાની હાલતમાં ઝડપાયા બાદ વિજિલન્સની ટીમે કહ્યું કે, આ 7 ડ્રાઈવર સામે કાયદેસર કાર્યવાહી કરાશે. આ સાથે બસોમાં બીજા ડ્રાઈવર મૂકીને આગળ વધારાઇ છે. 

ડ્રાઈવરોનું બ્રેથ એનેલાઈઝરથી ચેકિંગ

ડ્રાઈવર ડ્યુટી શરૂ કરે તે પહેલાં જ બ્રેથ એનેલાઈઝરથી ચેકિંગ કરવામાં આવ્યું હતું. AMTSના ડ્રાઈવરનો રિપોર્ટ નિલ આવ્યા બાદ તેઓને બસ લઈને જવા દેવામાં આવ્યા હતા. નશામાં ધૂત ડ્રાઈવરનો વીડિયો વાયરલ થતાં AMC દ્વારા કાર્યવાહી હાથ ધરાઇ હતી.

બસના ડ્રાઈવરનો વીડિયો થયો હતો વાયરલ

ઉલ્લેખનીય છે કે, AMTSની 49 નંબરની આદિનાથનગરથી ઘુમા ગામ રૂટની બસનો ડ્રાઇવર 50થી 60 જેટલા પેસેન્જર ભરેલી બસ લઈને નીકળ્યો હતો અને ડ્રાઇવર દારૂ પીધેલી હાલતમાં હતો. જેથી મુસાફરો આ અંગે જાણ થતાં તેઓએ જમાલપુર પાસે બસને ઉભી રખાવી હતી અને બસના ડ્રાઈવરનો વીડિયો ઉતાર્યો હતો. આ વીડિયોને મુસાફરોએ સોશિયલ મીડિયામાં વાયરલ કર્યો હતો. જે બાદ આ ડ્રાઈવરને સસ્પેન્ડ કરવામાં આવ્યો હતો. 

સળગતા સવાલ 

• બસ ડ્રાઈવર ચાલુ નોકરીએ કેમ કરી રહ્યા છે નશો?
• મુસાફરો અને લોકોના જીવ કેમ મુકી રહ્યાં છો જોખમમાં?
• ડ્રાઇવિંગ લાયસન્સ રદ ન થવું જોઇએ?
• શું માત્ર થોડા દિવસ સસ્પેન્ડ કરીને સંતોષ માની લેવાશે?
• શું ટ્રાફિક નિયમ બસ ડ્રાઈવર માટે નથી?
• રસ્તા પર દુર્ઘટના થાય તો જવાબદાર કોણ?
• નશાખોર ડ્રાઈવર સામે દાખલારૂપ કાર્યવાહી ક્યારે થશે?