કેન્દ્ર સરકારનું માનવું છે કે જો સરકાર કિમંત કે બજારને નિયંત્રણ કરશે તો દેશી અને વિદેશી કંપનીઓ આ સેક્ટરમાં નહીં આવે
કેન્દ્ર સરકાર અને પશ્ચિમ બંગાળ સરકારે સુપ્રીમ કોર્ટ સમક્ષ પોતપોતાની રીતે આંકડાઓ રજૂ કર્યા
કેંદ્ર સરકારનાં આંકડા
બંગાળ સરકારનાં આંકડા
કેન્દ્ર સરકાર અને પશ્ચિમ બંગાળ સરકારે સુપ્રીમ કોર્ટ સમક્ષ પોતપોતાની રીતે આંકડાઓ રજૂ કર્યા
કોરોના વેક્સિનની કિંમતને લઈને કેન્દ્ર સરકાર અને પશ્ચિમ બંગાળની સરકાર સુપ્રીમ કોર્ટમાં સામ સામે આવી ગયા છે. પશ્ચિમ બંગાળ સરકારનું કહેવું છે કે કેન્દ્ર સરકારે વાર્ષિક બજેટમાં વેક્સિન માટે જેટલા પૈસા ફાળવ્યા હતા, જો એ પૈસા મુજબ ખર્ચ કરવામાં આવે તો આખા દેશને મફતમાં વેક્સિન મળી જાય. પણ કેન્દ્ર સરકારનું કહેવું છે કે સરકાર કિમંત કે બજારને નિયંત્રણ કરશે તો દેશી અને વિદેશી કંપનીઓ આ સેક્ટરમાં નહીં આવે. પરિણામે કેન્દ્ર સરકાર અને પશ્ચિમ બંગાળ સરકારે સુપ્રીમ કોર્ટ સમક્ષ પોતપોતાની રીતે આંકડાઓ રજૂ કર્યા હતા, જેનાં પર ગુરુવારે સુનવણી થશે.
બંગાળ સરકારે કેન્દ્ર પર આરોપ મૂક્યો હતો કે વેક્સિન બનાવવાવાળી કંપનીઓને કેન્દ્ર તરફથી ગ્રાન્ટ અને બીજા ઘણા ફાયદાઓ મળી રહ્યા છે. સાથે જ કહ્યું કે જો સરકારે તે કંપનીઓને રિસર્ચ કરવા માટે અને વેક્સિન બનાવવા માટે પૈસા આપતી હોય તો પછી શા માટે આ કંપનીઓ વેક્સિનનાં પૈસા માંગે છે? આના જવાબમાં કેન્દ્રએ કહ્યું કે અમે કોઈ પણ પ્રકારની ગ્રાન્ટ કંપનીઓને આપી નથી, અમે માત્ર રિસર્ચ અને ટ્રાયલ કરવા માટેનાં જ પૈસા આપ્યા છે.
કેંદ્ર સરકારનાં આંકડા
સાથે જ કેન્દ્રએ કહ્યું કે અમે ICMR સાથે ટ્રાયલ કરવા માટે ભારત બાયોટેકને 35 કરોડ અને સીરમ ઈન્સ્ટીટયુટને 11 કરોડ રૂપિયા આપ્યા હતા. આ ઉપરાંત એક ખાનગી અને બીજી ત્રણ સરકારી સંસ્થાઓને વેક્સિન બનાવવા માટે 200 કરોડ રૂપિયા આપવામાં આવ્યા હતા. વધુમાં કેન્દ્રએ કહ્યું કે સીરમ ઈન્સ્ટીટયુટને વેક્સિન સપ્લાય કરવા માટે 1732.50 કરોડ રૂપિયા એડવાન્સમાં આપી દેવામાં આવ્યા હતા અને ભારત બાયોટેકને કોવેક્સિન માટે 787.50 કરોડ રૂપિયા એડવાન્સ આપવામાં આવ્યા હતા. પણ બંગાળ સરકારે કોર્ટમાં જુદા જ આંકડા રજૂ કર્યા છે.
બંગાળ સરકારનાં આંકડા
બંગાળ સરકારનું કહેવું છે કે ભારત સરકારે 2021નાં બજેટમાં 35 હજાર કરોડ રૂપિયા વેક્સિન માટે ફાળવ્યા હતા. 35 હજાર કરોડ રૂપિયામાં ભારતમાં 50 કરોડ લોકોને વેક્સિન મળી જાય, જો આ વેક્સિનની કિમંત 350 રૂપિયા ગણવામાં આવે તો ! પણ ભારત સરકારને આ વેક્સિન માત્ર 150 રૂપિયામાં મળે છે તો તેનો અર્થ એ થાય છે કે આખા દેશને 35 હજાર કરોડ રૂપિયામાં મફતમાં વેક્સિન મળી જાય. સાથે જ સરકારને જો 150 રૂપિયામાં વેક્સિન મળે છે તો શા માટે રાજય સરકાર પાસેથી 300 અને 600 રૂપિયા લેવામાં આવી રહ્યા છે?