સ્ત્રીઓના હક માટે દરેક દેશમાં એક અલગ લડત હોય છે. ભારતમાં દરેક સ્ત્રીને માન સન્માન મળે છે પરંતુ સુપ્રીમ કોર્ટે એવો પ્રશ્ન પૂછ્યો છે કે જેને સાંભળીને તમે પણ ચોંકી જશો
દુષ્કર્મની ફરિયાદ પર પિડીતાને સવાલ
રાત્રે કેમ હોટલમાં મળવા ગઇ હતી ?
સુપ્રીમ કોર્ટના જજે પૂછ્યો સવાલ
જસ્ટિસ વિનીત શરણ અને જસ્ટિસ બીઆર ગવઇની પીઠે આરોપી જવાન દ્વારા રજૂ કરેલી જામીન યાચિકા પર સુનાવણી કરી હતી. પીઠે પીડિતાના વકીલને સવાલ કર્યો હતો કે 8 વાગે પિડીતા આરોપીને મળવા હોટલના રૂમમાં કેમ ગઇ હતી?
આ વાત પર વકીલે કહ્યું કે, પિડીતા અને આરોપી પહેલાથી જ એખબીજાને ઓળખતા હતો. તેણે દાવો કર્યો છે કે હોટલની ચામાં નશીલો પદાર્થ ભેળવીને તેને પીવડાવવામાં આવ્યો હતો. જે બાદ તેની સાથે દુષ્કર્મ કરવામાં આવ્યુ હતું. આરોપીની અગ્રીમ જામીનની યાચિકાનો વિરોધ કરતા કહ્યું કે તેને લગ્નની લાલચ આપીને સંબંધ બનાવ્યા હતા.
જવાન તરફથી આપવામાં આવેલી અરજીમાં કહ્યું કે આરોપી અને પીડિતા વચ્ચેના સંબંધ, બંનેની મરજીથી બનાવવામાં આવ્યા હતા. બાદમાં કહેવામાં આવ્યું કે આરોપીએ લગ્નની લાલચ આપીને સંબંધ બાંધ્યા હતા. તેમના સંબંધમાં ખટાશ ત્યારે આવી ગઇ હતી જ્યારે છોકરીના માતા પિતા લગ્નને લઇને મળ્યા હતા.
સુપ્રીમ કોર્ટે આ મામલા પર વિચાર કરીને પોલીસ સ્ટેશનમાંથી જવાનને રાહત આપી હતી. સુપ્રીમ કોર્ટે આગોતરા જામીન પર નોટિસ આપી અને યુપી સરકાર અને ફરિયાદી છોકરીને નોટીસ પાઠવી છે. 6 અઠવાડીયામાં જવાબ આપવા માટે કહ્યું છે.