ટિપ્પણી / દેશને ડોક્ટરોની જરૂર છે મેડિકલ કોલેજમાં સીટ ખાલી રાખીને શું મળશે, SCએ કાઢી સરકારની ઝાટકણી

• SCએ મેડિકલ કોલેજોમાં ખાલી રહેલી બેઠકો પર વ્યક્ત કરી નારાજગી 
• ડોક્ટરોની જરૂર હોય ત્યારે સીટ ખાલી રાખીને તમને શું મળશે -Sc
• દેશમાં ડોક્ટરો અને સુપર સ્પેશિયાલિટી મેડિકલ પ્રોફેશનલ્સની જરૂર છે- SC 

સુપ્રીમ કોર્ટે મેડિકલ કાઉન્સિલ ઓફ ઈન્ડિયા અને કેન્દ્ર સરકાર પર સવાલ ઉઠાવ્યા છે અને કહ્યું છે કે તમે વિદ્યાર્થીઓના ભવિષ્ય સાથે રમત ન કરી શકો. તમે સીટ ખાલી રાખી શકતા નથી. તમારે મોપ અપ રાઉન્ડ કરવું જોઈએ. કોર્ટે કહ્યું કે જ્યારે આપને મે મહિનામાં ખબર પડી કે સીટો ખાલી છે તો તમે મોપ-અપ રાઉન્ડ કેમ ન કર્યો? 

ડોક્ટરોની જરૂર હોય ત્યારે સીટ ખાલી રાખીને તમને શું મળશે -Sc

સુપ્રીમ કોર્ટે તીખી ટિપ્પણી કરતા વધુમાં કહ્યું કે, જ્યારે તમને ડોક્ટરો અને સુપર સ્પેશિયાલિસ્ટ ડોક્ટરોની જરૂર હોય ત્યારે સીટ ખાલી રાખીને તમને શું મળશે. અમે આરોગ્ય સેવાઓના મહાનિર્દેશકને કોર્ટમાં બોલાવીશું અને આદેશ પસાર કરીશું.

દેશમાં ડોક્ટરો અને સુપર સ્પેશિયાલિટી મેડિકલ પ્રોફેશનલ્સની જરૂર છે- SC

મહત્વનું છે કે, અરજદારે સુપ્રીમ કોર્ટને કહ્યું કે 1456 સીટો હજુ પણ ખાલી છે. આ અંગે જસ્ટિસ એમ.આર.શાહની ખંડપીઠે જણાવ્યું હતું કે મેડિકલ કાઉન્સિલ અને સેન્ટર વિદ્યાર્થીઓ માટે કાઉન્સેલિંગનો મોપ અપ રાઉન્ડ ન કરાવીને વિદ્યાર્થીઓના જીવન સાથે રમત રમી રહ્યા છે. અમને દેશમાં ડોક્ટરો અને સુપર સ્પેશિયાલિટી મેડિકલ પ્રોફેશનલ્સની જરૂર છે. જો વિદ્યાર્થીઓને પ્રવેશ આપવામાં નહીં આવે, તો અમે ઓર્ડર આપીશું અને તેમને વળતર આપીશું.
 
એફિડેવિટ દાખલ કરવા જણાવ્યું હતું

ઉલ્લેખનીય છે કે, સુપ્રીમ કોર્ટે આજે સોગંદનામું દાખલ કરવા જણાવ્યું છે. જેમાં જણાવ્યું હતું કે, શા માટે સીટો ખાલી છે અને શા માટે ભરવામાં આવી નથી. સુપ્રીમ કોર્ટ હવે ગુરૂવારે આ મામલે ફરી સુનાવણી કરવા જઈ રહી છે.