રિપોર્ટ / 'યે ઇશ્ક નહીં આસાન', પ્રેમ અને અવૈધ સંબંધોમાં થયેલી હત્યાના આંકડા ભારે આશ્ચર્યજનક! NCRB રિપોર્ટમાં ચોંકાવનારો ખુલાસો

• એક યુગમાં પ્રેમમાં જીવન બલિદાનની વાતો થતી હતી
• લોકો હવે પ્રેમમાં પોતાનો જીવ આપતા નથી
• ભારતમાં સૌથી વધુ હત્યાઓની લિસ્ટમાં પ્રેમ પ્રકરણ ત્રીજા નંબરે આવે

આપણે બધા જાણીએ છીએ કે પ્રેમ એ લાગણી છે જે દરેક હૃદયમાં રહે છે. એ સમય અલગ હતો, જ્યારે પ્રેમમાં જીવન બલિદાનની વાતો થતી હતી. આ યુગ જુદો છે, હાલ તો પ્રેમ પોતે જ પોતાના પ્રેમનો જીવ લઈ રહ્યો છે. એવા ઘણા કિસ્સા હાલ સામે આવ્યા છે. 

આજકલ ન જાણે દરરોજ, દર મહિને, દર વર્ષે કેટલા ગુના થાય છે. જો આપણે NCRBના 2021ના તાજેતરના આંકડાઓ એટલે કે નેશનલ ક્રાઈમ રેકોર્ડ બ્યુરો, જે આપણા દેશમાં થઈ રહેલા ગુનાઓનો હિસાબ રાખે છે, એ હિસાબ પર નજર કરીએ તો ખબર પડે છે કે લોકો હવે પ્રેમમાં પોતાનો જીવ આપતા નથી, તેઓ જીવ લઈ લે છે. એનસીઆરબીના તાજેતરના ડેટા અનુસાર, ભારતમાં જે કારણોથી સૌથી વધુ હત્યાઓ થાય છે તેમાં પ્રેમ પ્રકરણ ત્રીજા નંબરે આવે છે. દેશમાં થતી દર દસ હત્યાઓમાંથી એક હત્યા પ્રેમી દ્વારા કરવામાં આવે છે.

2021ના આંકડા અનુસાર, સમગ્ર દેશમાં કુલ 29 હજાર 272 હત્યાના કેસ નોંધાયા છે. આ તમામ હત્યાઓ 19 અલગ-અલગ કારણોસર થઈ હતી.  આ 19 કારણોમાંથી હત્યાનું ત્રીજું કારણ પ્રેમ અને વિશ્વાસઘાત છે.  દેશમાં પ્રેમ પ્રકરણની સાથે અવૈધ સંબંધોના કારણે હત્યાનું પ્રમાણ પણ વધ્યું છે. NCRBના તાજેતરના ડેટા અનુસાર, 2021 માં યુપી એવા રાજ્યોમાં પ્રથમ ક્રમે છે જ્યાં પ્રેમ અને ગેરકાયદેસર સંબંધોના કારણે સૌથી વધુ હત્યાઓ થઈ છે. 

પ્રેમ અને અવૈધ સંબંધોના કારણે થયેલી હત્યાઓના આંકડા પર નજર કરીએ તો આ છે ટોપ 10 રાજ્યો-
01. ઉત્તર પ્રદેશ 406 
02. મહારાષ્ટ્ર 351 
03. મધ્યપ્રદેશ 323 
04. બિહાર 280 
05. તમિલનાડુ 244 
06. કર્ણાટક 203 
07. રાજસ્થાન 125 
08. ઝારખંડ 099 
09. પંજાબ 085 
10. હરિયાણા 060

પેહલા પ્રેમીઓ પ્રેમમાં જીવ આપતા હતા લેતા નહીં પણ હવે પરિસ્થિતિ ઘણી બદલાઈ ગઈ છે. છેલ્લા 10 વર્ષના પ્રેમના કારણે થયેલી હત્યાના આંકડાઓ પર નજર કરીએ તો સ્પષ્ટપણે જાણવા મળે છે કે પડે છે કે જેમ-જેમ સોશિયલ મીડિયાનો ટ્રેન્ડ વધતો ગયો તેમ-તેમ પ્રેમ લોહિયાળ બન્યો. 

2011 - 7.9 ટકા
2012 - 7.4 ટકા 
2013 - 7.2 ટકા 
2014 - 7.2 ટકા 
2015 - 9.2 ટકા 
2016 - 10.4 ટકા 
2017 - 10.9 ટકા 
2018 - 11.2 ટકા 
2019 - 11.00 ટકા 
2020 - 10.4 ટકા 
2021 - 10.7 ટકા