મહારાષ્ટ્ર સરકારે ગરીબ લોકોને ખવડાવવા અને સાથે જ શહેરનો કચરો દૂર કરવાનો એક સરસ રસ્તો શોધી કાઢ્યો છે. રાજ્ય સરકારના પ્રયત્નોથી આ એક નવી પહેલ છે જેનાથી શહેરના કચરાને સારી રીતે મેનેજ કરીને ગરીબોને જમવાનું પણ પહોંચાડી શકાશે.
મહારાષ્ટ્રે લાગૂ કરી નવી યોજના
કલ્યાણ- ડોમ્બીવલી મ્યુ. કોર્પમાં યોજના લાગૂ કરવામાં આવી
પાંચ Kg પ્લાસ્ટિક એકઠો કરવા વાળાને મળશે ફૂડ કૂપન
મહારાષ્ટ્ર માં, સરકાર ગરીબોનું પેટ ભરીને અને કચરો એકઠો કરીને સ્વચ્છતા વધારવાનો એક સરસ રસ્તો શોધી કાઢ્યો છે. મહારાષ્ટ્ર ના કલ્યાણ ડોમ્બિવલી મ્યુનિસિપલ કોર્પોરેશનનું કહેવું છે કે તેમની વિશેષ યોજના કચરો ઘટાડશે અને લોકોને તેના બદલામાં ભોજન પણ મળશે. હકીકતમાં કલ્યાણ ડોમ્બિવલી મ્યુનિસિપલ કોર્પોરેશન દ્વારા પ્લાસ્ટિકનો 5 કિલો પ્લાસ્ટિક કચરો એકઠો કરવા પર લોકોને ફૂડ કૂપન્સ આપવાની યોજના શરૂ કરી છે.
ફૂડ કૂપન યોજના ઝીરો વેસ્ટ પોલિસી હેઠળ લાવવામાં આવી છે
મહત્વનું છે કે લાંબા સમયથી મહાનગરપાલિકા વેસ્ટ મેનેજમેન્ટની સમસ્યાનો સામનો કરી રહી છે. આ સમસ્યાને પહોંચી વળવા કોર્પોરેશને એક નવતર પદ્ધતિ હાથ ધરી છે. આ પહેલા પણ મહારાષ્ટ્ર સરકાર કચરો હટાવવા માટે અનેક યોજનાઓ ચલાવી રહી છે.
મહારાષ્ટ્ર નિકાયના વેસ્ટ મેનેજમેન્ટના એક અધિકારીએ કહ્યું કે આ યોજના KDMC ની ઝીરો વેસ્ટ પોલિસી ના ભાગ રૂપે રજૂ કરવામાં આવી છે. તેમણે કહ્યું, 'નવીનતમ પહેલના ભાગરૂપે, અમે નાગરિકોને તેમનો પ્લાસ્ટિક કચરો એકત્રિત કરવા અપીલ કરી છે. જો તેઓ કોઈ સેન્ટરમાં 5 કિલો પ્લાસ્ટિકનો કચરો આપે છે, તો બદલામાં તેમને 'પોલી-ભાજી' (રોટલી-શાકભાજી) માટે કૂપન મળશે. તેની કિંમત 30 રૂપિયા હશે. તેમણે કહ્યું કે બજારો સહિત KDMC એ વિવિધ સ્થળોએ વેસ્ટ કલેક્શન સેન્ટરના સહયોગથી આ યોજના બનાવી છે.
ઝીરો વેસ્ટ માટેનું શ્રેષ્ઠ શહેર છે
કલ્યાણ-ડોમ્બિવલી મહાનગરપાલિકા એ જણાવ્યું હતું કે અમારો હેતુ ઝીરો વેસ્ટ સિટી બનાવવાનું છે. આ સાથે, આખા દેશ માટે એક ઉદાહરણરૂપ શહેર બનાવવાની યોજના છે. નક્કી પણે આ યોજનાથી આનાથી શહેરના કચરાને ઘટાડવામાં મદદ મળશે અને ગરીબો ભૂખ અમુક અંશે સંતોષી શકાશે.