કોરોના વાયરસ / નવરાત્રિ માટે આ રાજ્યે જાહેર કરી ગાઈડલાઈન, માતાજીની મૂર્તિ માટે પણ જાહેર કર્યા નિયમો

• મહારાષ્ટ્ર સરકાર એ જાહેર કરી ગાઈડલાઇન્સ 
• નવરાત્રિ  અને દાંડિયા રાસ નહીં યોજાય
• માતાજીની મૂર્તિ માટે પણ જાહેર થયા નિયમો 

નવરાત્રિ  મહોત્સવ માટે મહારાષ્ટ્ર ગૃહ વિભાગની માર્ગદર્શિકા જાહેર થઈ હતી. કોરોના વાયરસના પગલે જાહેર કરાયેલા તમામ નિયમો અને માર્ગદર્શિકાઓનું પાલન સૌ લોકો માટે ફરજિયાત બનાવાયું છે. આ માર્ગદર્શિકા મુજબ, ઘરની અંદર સ્થપાનારી માતાજીની મૂર્તિઓ 2 ફૂટથી વધુની હોઇ શકે નહીં અને પંડાલ ની મૂર્તિની ઊંચાઈ 4 ફૂટથી ઓછી હોવી જોઈએ.

દાંડિયા રસ પર પણ મૂકાયો પ્રતિબંધ 

સાથે જ વિભાગે કહ્યું હતું કે આ વખતે કોઈ ગરબા અને દાંડિયા કાર્યક્રમો યોજાશે નહીં. નોંધનીય છે કે અનલોક 4 માટેની મર્યાદા બુધવારે સમાપ્ત થઈ રહી છે. આવી સ્થિતિમાં, એવી આશા રાખવામાં આવે છે કે મંગળવારે ગૃહ મંત્રાલય દ્વારા અનલોક 5 માર્ગદર્શિકા જાહેર કરી શકાય.

મમતા બેનર્જી સરકારે પંડાલ સ્થાપવાની મંજૂરી આપી

પશ્ચિમ બંગાળની મમતા બેનર્જી સરકારે દુર્ગાપૂજા મહોત્સવ માટે પંડાલ સ્થાપવાની મંજૂરી પણ આપી હતી. જો કે, મમતા સરકારે પણ પંડાલોને ચારે બાજુથી ખુલ્લી રાખવી, ભક્તો, આયોજકો અને અન્ય લોકોને માસ્ક મૂકવા, અને પંડાલમાં સેનિટાઇઝર ને સ્થળે રાખવાની શરતો સાથે મંજૂરી આપી છે. પરંતુ, સૌથી કડક સ્થિતિ એ છે કે એક સમયે 100 થી વધુ લોકો એક પંડાલમાં ભેગા થઈ નહીં શકે.

નવરાત્રિ નો આવતા મહિને 17 ઓક્ટોબરથી પ્રારંભ થશે

હિન્દુ કેલેન્ડર મુજબ આ વખતે શરદ નવરાત્રિ  આવતા મહિને 17 ઓક્ટોબર થી શરૂ થશે અને 25 ઓક્ટોબરે સમાપન થશે. દરમિયાન, મા દુર્ગાના નવ સ્વરૂપોની નવ દિવસ સુધી પૂજા અને આરાધના કરવામાં આવશે. આ દરમિયાન અનેક ભક્તો મા દુર્ગાના ઉપવાસ અને પૂજા પણ કરે છે.