ઓસ્ટ્રેલિયાના અનુભવી ફાસ્ટ બોલર પેટ કમિન્સે UAEમાં સપ્ટેમ્બરમાં શરૂ થનારી IPL 2021ની બાકી રહેલી મૅચમાંથી નામ પરત લઇ લીધુ છે.
IPL 2021માં નહી રમે આ ખેલાડી
ટીમને લાગશે મોટો ઝટકો
ઓસ્ટ્રેલિયાથી કોઇ નિવેદન આવ્યું નથી
કમિન્સ IPL 2021થી બાકી રહેલી મૅચમાં નહી રમે અને તેણે પોતાનું નામ પરત લઇ લીધુ છે. કમિન્સ KKRના દિનેશ કાર્તિકને કહ્યું કે તે બાકીની મૅચમાં નહી રમી શકે. કોલકાતાના ઇયોન મોર્ગન પણ કદાચ IPLમાં નહી રમે તેવી વાત થઇ રહી છે, જે KKRના કપ્તાન છે.
કાર્તિકે એક ઇન્ટરવ્યૂમાં કહ્યું કે, પેટ કમિન્સે પોતે કહ્યું કે તે રમવા નહી આવી શકે પરંતુ મોર્ગન આવી શકે છે. જો કે ટુર્નામેન્ટ શરૂ થવામાં હજુ સમય છે તો સપ્ટેમ્બર પહેલા કેટલાક બદલાવ થવાની સંભાવના છે. દિનેશે કહ્યું મને જો કપ્તાની કરવાનું કહેવામાં આવશે તો હું તૈયાર છું.
IPL 2021ને લઇને ઓસ્ટ્રેલિયા તરફથી કોઇ અધિકારીક નિવેદન નથી આવ્યું માટે હાલ કોઇ પણ મુદ્દાની ચર્ચા કરવી યોગ્ય લાગી રહી નથી. ગમે ત્યારે કોઇ પણ બદલાવ આવી શકે છે. ઇંગલેન્ડ તરફથી સ્પષ્ટ ના આવી ગઇ છે કે કોઇ ખેલાડી IPLમાં ભાગ નહી લે.
ECBના ક્રિકેટ ડિરેક્ટરે કહ્યું કે એશ્લે જાઇલ્સે ગયા મહિને કહ્યું હતુ કે ઇંગ્લેન્ડ પાસે કાર્યક્રમ ભરેલા છે.