IPLની ટીમ દિલ્હી કેપિટલ્સને મોટો ઝટકો લાગ્યો છે. આઇપીએલની 14મી સિઝનમાં જીત સાથે આગળ વધનારી ટીમના ફાસ્ટ બોલર એનરિક નોર્તજેને કોરોના થઇ ગયો છે.
DC માટે ખરાબ સમાચાર
સ્ટાર ક્રિકેટરને થયો કોરોના
દિલ્હીને પડશે મોટો ફટકો
નોર્તજે પહેલા અક્ષર પટેલને પણ કોરોના થયો હતો. અક્ષર પટેલ 28 માર્ચે ટીમની હોટલ પહોંચ્યા હતા. કોરોનાની તપાસ દરમિયાન તેનો બીજો રિપોર્ટ પોઝીટીવ આવ્યો હતો.
એનરિક આઇપીએલમાં હિસ્સો લેવા માટે મંગળવારે મુંબઇ પહોંચ્યો હતો. તેણે સાત દિવસ આઇસોલેશનનું પાલન કર્યુ હતુ અને તે ચેન્નઇ સુપર કિંગ્ઝ વિરુદ્ધ રમાયેલી ટીમનો હિસ્સો નહોતો. તે મૅચમાં દિલ્હી કેપિટલ્સે જીત મેળવી છે.
નોર્તજે દિલ્હી કેપિટલનો મેઇન બોલર છે. ગઇ સિઝનમાં તેનું પ્રદર્શન ખુબ સારુ રહ્યું હતુ. તેણે રાજસ્થાન રોયલ્સ વિરુદ્ધ 156.2 ની રફ્તારથી બોલિંગ કરી હતી. આ 2012થી 2020 સુધીનો સૌથી ફાસ્ટ બોલ હતો.
આઇપીએલના ઇતિહાસની જો વાત કરવામાં આવે તો આ રેકોર્ડ શોન ટેટના નામે છે. તેણે 2011માં રાજસ્થાન રોયલ્સ તરફથી રમતી વખતે 157.7ની રફ્તારથી બોલ ફેક્યો હતો. એનરિકની વાત કરીએ તો તેણે આઇપીએલમાં પોતાનું ડેબ્યુ 2020માં કર્યુ હતુ. તેણે ગઇ સિઝનમાં 16 મેચ રમી અને 22 વિકેટ લીધી હતી.
DC માટે ખરાબ પણ RR માટે સારા સમાચાર
વિરાટ કોહલીની ટીમને જીત અપાવવા માટે યુવા બોલર હર્ષલ પટેલ અને એબી ડિવિલિયર્સનું મહત્વનુ યોગદાન હોય છે. જો કે હૈદરાબાદ વિરુદ્ધ મૅચથી પહેલા જ આરસીબી કેપ્ટન કોહલીને મોટી ખુશખબર મળી છે. કોરોના વાયરસથી સંક્રમિત થયા બાદ સ્ટાર ઓપનર દેવદત્ત પડિક્કલ સંપૂર્ણ રીતે ફીટ થઇ ગયો છે અને સારી વાત તે છે કે હવે તે હૈદરાબાદ વિરુદ્ધ રમવા માટે તૈયાર છે.
બેંગ્લોર અને હૈદરાબાદ વચ્ચે આ મૅચ ચેન્નઇના ચિદંબરમ સ્ટેડિયમમાં રમાશે. બેંગ્લોરની ટીમ આ મેચમાં મુંબઇને હરાવીને ઉતરશે તો ડેવિડ વોર્નરવાળી ટીમ હૈદરબાદ કેકેઆરથી હાર્યા બાદ મેદાનમાં ઉતરશે. પડિક્કલ હાલના સમયમાં શાનદાર લયમાં ચાલી રહ્યો છે. તેણે આઇપીએલની છેલ્લી સિઝનમાં સૌથી વધારે 473 રન બનાવ્યા હતા.
પડિક્કલ રમવા તૈયાર
દેવદત્ત પડિક્કલના ફીટ હોવાની જાણકારી આપતા ટીમના ડાયરેક્ટર માઇક હસને કહ્યું કે આ ખેલાડી માટે હૈદરાબાદ વિરુદ્ધ રમવા માટે વિચાર કરવામાં આવશે. પડિક્કલે પણ એક વીડિયો મેસેજમાં વાત કરી હતી અને કહ્યું હતુ કે તે રમવા માટે તૈયાર છે.