ભારત અને ઇંગ્લેન્ડ વચ્ચે ટી20 સીરીઝની બીજી મૅચ ગઇકાલે નરેન્દ્ર મોદી સ્ટેડીયમમાં રમાઇ હતી. જેમાં ઇશાન કિશને ડેબ્યુ કર્યુ હતુ.
ઇશાન કિશનનુ શાનદાર ડેબ્યુ
લોકોએ કરી હતી તેની પિટાઇ
પોલીસે કરી હતી ધરપકડ
આ મૅચમાં ભારતે ઇંગ્લેન્ડને 7 વિકેટથી હાર આપી હતી. ભારતીય યુવા ખેલાડી ઇશાન કિશને પોતાની ડેબ્યુ મૅચમાં 56 રનની શાનદાર ઇનીંગ રમી હતી. આજે બધા જ ઇશાનના ફેન છે પરંતુ એક સમય એવો હતો જ્યારે ઇશાનની લોકોએ પિટાઇ કરી હતી.
કાર એક્સિડેન્ટમાં થઇ હતી ધરપકડ
આજથી 5 વર્ષ પહેલા 2016માં ઇશાન કિશનની એક કાર એક્સિડેન્ટમાં ધરપકડ કરી હતી. ઇશાન તે સમયે અંડર 19 ટીમના કેપ્ટન હતા. ઇશાનની કાર ફૂલ સ્પીડમાં આવી અને રિક્શા સાથે તેનુ એક્સિડેન્ડ થયુ હતુ. રિક્શામાં બેઠેલા લોકોને ઇજા પહોંચી હતી અને લોકોએ તે સમયે ઇશાનની ખુબ આલોચના કરી હતી. બાદમાં પોલીસે તેની ધરપકડ કરી હતી.
લોકોએ માર્યો હતો માર
ઇશાનની કાર જેવી રિક્શા સાથે અછડાઇ કે લોકો ત્યાં જમા થઇ ગયા હતા અને ઇશાને લોકોનો વિરોધ કરવાનો શરૂ કરી દીધો હતો પરંતુ લોકોએ ઇશાનને ખુબ માર્યો હતો. બાદમાં પોલીસ ત્યાં આવી અને ઇશાનની ધરપકડ કરવામાં આવી હતી.
ભારત જીતી ગયુ મૅચ
ઇંગ્લેન્ડ સામે બીજી મૅચમાં ભારતે શાનદાર જીત મેળવી અને બરાબરી કરી લીધી હતી. ઇંગ્લેન્ડે પહેલી મૅચ જીતી હતી હવે સ્કોર 1-1 થઇ ગયો છે. ભારતની આ જીતમાં ઇશાનનું યોગદાન મહત્વનું છે.