ગૌરવ / ઈતિહાસ રચવા તૈયાર સ્ક્વોડ્રન લીડર, જાપાન સાથે હવાઈ અભ્યાસમાં કરશે નેતૃત્વ

• ભારત અને જાપાન સંયુક્ત હવાઈ કવાયત 'વીર ગાર્ડિયન-2023' માટે તૈયાર
• 16 જાન્યુઆરીથી 26 જાન્યુઆરી દરમિયાન યોજાશે હવાઈ કવાયત
• દેશની પ્રથમ મહિલા ફાઈટર પાયલોટ અવની ચતુર્વેદીની ટીમ જાપાન જશે

 દેશની પ્રથમ મહિલા ફાઈટર પાયલોટ અવની ચતુર્વેદી ભારતીય ટુકડીનો ભાગ હશે. જે જાપાન સાથે હવાઈ અભ્યાસમાં ભાગ લેશે. અવની ભારતીય વાયુસેના (IAF) ની સુખોઈ-30MKI સ્ક્વોડ્રનને કમાન્ડ કરે છે અને જોધપુર સ્થિત છે. વાયુસેનાના સત્તાવાર સૂત્રોએ જણાવ્યું હતું કે SU-30MKI સ્ક્વોડ્રન લીડર અવની ચતુર્વેદી ટૂંક સમયમાં જ હવાઈ કવાયતમાં ભાગ લેવા માટે જાપાન જવા રવાના થશે.

In a first, IAF woman fighter pilot to participate in aerial wargames outside country in Japan

Read @ANI Story | https://t.co/Ibfb6MHArS#IAF #FighterPilot #AerialWargames #WomanFighter pic.twitter.com/tDO9OnOT5m

— ANI Digital (@ani_digital) January 7, 2023

ભારત અને જાપાનની વાયુસેના કરશે યુદ્ધ અભ્યાસ
ભારત અને જાપાનની વાયુસેના 16 થી 26 જાન્યુઆરી સુધી પ્રથમ દ્વિપક્ષીય અભ્યાસ કરશે.ઈન્ડો-પેસિફિક ક્ષેત્રમાં ચીનની સૈન્ય શક્તિ અંગે વધતી જતી ચિંતાઓ વચ્ચે બંને દેશો વચ્ચેની આ કવાયત ગાઢ બની રહેલા સંરક્ષણ સંબંધોને પ્રતિબિંબિત કરે છે. ભારતીય વાયુસેના (IAF) અને જાપાન એર સેલ્ફ ડિફેન્સ ફોર્સ (JASDF) વચ્ચે 'વીર ગાર્ડિયન-2023' નામની આ કવાયત જાપાનના હ્યાકુરી એરબેઝ પર કરવામાં આવશે.

ભારતીય મહિલા ફાઈટર પાયલટ ફ્રાન્સની સાથે હવાઈ અભ્યાસમાં ભાગ લઈ ચૂકી છે

અગાઉ ભારતીય મહિલા ફાઈટર પાયલટ ફ્રાન્સની વાયુસેના સહિત વિદેશી ટુકડીઓ સાથે હવાઈ અભ્યાસમાં ભાગ લઈ ચૂકી છે. પરંતુ આ પ્રથમ વખત બનશે જ્યારે કોઈ ભારતીય મહિલા ફાઈટર પાઈલટ વિદેશી ધરતી પર હવાઈ કવાયતનું નેતૃત્વ કરશે. મોહના સિંહ જીતવાલ અને ભાવના કંથ સાથે ભારતીય વાયુસેનામાં પ્રથમ મહિલા ફાઇટર પાઇલટ તરીકે અવની ચતુર્વેદીની જાહેરાત કરવામાં આવી હતી. અવની ચતુર્વેદીનો જન્મ મધ્ય પ્રદેશમાં થયો હતો. ભારતીય વાયુસેનામાં જોડાતા પહેલા, તેમણે તેલંગાણાના ડુંડીગલમાં એરફોર્સ એકેડમીમાં છ મહિનાની સઘન તાલીમ લીધી હતી.

ક્યાં ક્યાં વિમાનો ભાગ લેશે
'વીર ગાર્ડિયન 2023' નામની કવાયત 16 જાન્યુઆરીથી 26 જાન્યુઆરી દરમિયાન જાપાનના સયામામાં ઓમિટામા અને ઇરુમા એર બેઝમાં હાયકુરા એર બેઝ અને તેની આસપાસના એરફિલ્ડ્સ પર હાથ ધરવામાં આવશે.ભારતીય વાયુસેનાએ શનિવારે કહ્યું કે ચાર Su-30 MKI એરક્રાફ્ટ, બે C-17 એરક્રાફ્ટ અને એક IL-78 એરક્રાફ્ટ તેની તરફથી કવાયતમાં ભાગ લેશે. JASDFના ચાર F-2 અને ચાર F-15 એરક્રાફ્ટ આ કવાયતમાં ભાગ લેશે. IAF એ એક નિવેદનમાં જણાવ્યું હતું કે, "દેશો વચ્ચે હવાઈ સંરક્ષણ સહયોગને વધારવા માટે, ભારત અને જાપાન સંયુક્ત હવાઈ કવાયત 'વીર ગાર્ડિયન-2023' કરવા માટે તૈયાર છે."