સ્પોર્ટ્સ પાર્ક / અમદાવાદમાં કરોડોના ખર્ચે તૈયાર સ્પોર્ટ્સ પાર્કની હાલત જોઈને ચોંકી જશો, ઉદ્ઘાટન થાય ત્યાં સુધી 'રાહ' જોવાની

• કોરોડોના ખર્ચે બનેલા સ્પોર્ટ્સ પાર્ક બંધ હાલતમાં 
• ઉદ્ઘાટન નથી થયું જેથી પાર્કને ખોલવામાં નથી આવ્યા 
• સ્પોર્ટ્સ પાર્કની અંદરના સાધનો કાટ ખાઈ રહ્યા છે 

અમદાવાદ શહેરને સ્પોર્ટ્સ સિટી બનાવવાનું લક્ષ્ય રાખવામાં આવ્યું હતું. જોકે આ લક્ષ્યને હવે ભૂલાઈ રહ્યું છે તેવું સ્પષ્ટ પણે લાગી રહ્યું છે. આ વાત અમે એટલા માટે કહી રહ્યા છે કારણે સ્પોર્ટ્સ પાર્કની હાલત દયનીય બની ગઈ છે. જેથી સ્પોર્ટ્સ સિટી બનાવવા તે આરંભે સુરા જેવી સ્થિતી કહી શકાય. 

સ્પોર્ટ્સ પાર્કની હાલત શોભાના ગાંઠીયા સમાન 

શહેરમાં પાલડી રિવરફ્ન્ટ પર આવેલ સ્પોર્ટ્સ પાર્કને જનતા માટે બંધ કરી દેવામાં આવ્યું છે. સાંભળીને તમને નવાઈ લાગશે કે જનતા માટેજ બનાવેવું સ્પોર્ટ્સ પાર્ક જનતા માટે બંધ કરી દેવામાં આવ્યું છે. જેથી કરોડોના ખર્ચે તૈયાર કરવામાં આવેલ સ્પોર્ટ્સ પાર્કની હાલત શોભાના ગાંઠિયા સમાન જોવા મળી રહી છે. 

સ્પોર્ટ્સ પાર્કની અંદરના સાઘનો કાટ ખાઈ રહ્યા છે 

બે વર્ષથી આ સ્પોર્ટ્સ પાર્કનું ઉદ્ઘાટન નથી કરવામાં આવી રહ્યું જેના કારણે અંદરના સાધનો કાટ ખાઈ રહ્યા છે. કરોડોના ખર્ચે આ સ્પોર્ટ્સ પાર્ક બનાવામાં આવ્યા છે પરંતુ તેનો કોઈ ઉપયોગ કરવામાં નથી આવી રહ્યો. ત્યારે સવાલ એ થાય છે કે જો સ્પોર્ટ્સ પાર્કને બંધજ રાખવું હતુ તો કરોડોના ખર્ચે શા માટે બનાવામાં આવ્યું છે? 

ક્યારે ઉદ્ઘાટન કરાશે તે એક ગંભીર પ્રશ્ન 

ઉલ્લેખનીય છે કે સ્પોર્ટ્સ પાર્કની બંધ પડેલી હાલતને જોઈને ક્યાંકને ક્યાંક એવું લાગી રહ્યું છે કે અમદાવાદને સ્પોર્ટ્સ સિટી બનાવાનું લક્ષ્ય ભૂલાઈ રહ્યું છે. અંદાજિત 2 વર્ષથી આ સ્પોર્ટ્સ પાર્ક ધૂળ ખાઈ રહ્યા છે જે કરોડોના ખર્ચે બનાવામાં આવ્યા છે. જેથી આ સ્પોર્ટ્સ પાર્કનું ઉદ્ઘાટન હવે ક્યારે કરવામાં આવશે તે એક ગંભીર પ્રશ્ન બન્યો છે.