રિયાલીટી શૉ ઇન્ડિયન આઇડલની નવી સિઝન ટીવી પર આવી ચૂકી છે. આ શૉમાં આ વખતે પણ એકથી એક ચડિયાતા ટેલેન્ટ આવી રહ્યાં છે. હાલમાં શૉના ઓડિશન રાઉન્ડ ચાલી રહ્યાં છે જેમાં ત્રણ જજ છે નેહા કક્કર, વિશાલ ડડલાની અને હિમેશ રેશમિયા. તેમાં એક એવો કન્ટેસ્ટન્ટ આવ્યો જેણે જજીસના હોશ ઉડાવી દીધા, નેહા કક્કરને પણ એવું જ લાગ્યુ કે તેના જ અવાજમાં ગાઇ રહ્યાં છે.
બે અવાજમાં ગાયુ ગીત
ઇન્ડિયન આઇડલના મંચ પર એક એવો વ્યક્તિ આવ્યો જેણે નેહા કક્કરના અવાજમાં જ ગીત ગાયુ અને તેના પોતાના અવાજમાં પણ ગીત ગાયુ હતુ. આ કન્ટેસ્ટન્ટને બે અવાજમાં ગાતા જોઇને જજીસના હોશ પણ ઉડી ગયા હતા.
સોશ્યલ મિડીયા પર આ કન્ટેસ્ટન્ટને ખુબ પ્રેમ મળી રહ્યો છે. તેની લોકો ખુબ તારીફ કરી રહ્યાં છે અને ઇન્ડિયન આઇડલના પ્રોમો પર પણ તે જ છવાયેલો છે. ઇન્ડિયન આઇડલ 2020ના ઓડિશન રાઉન્ડ ખુબ જ સારા ચાલી રહ્યાં છે અને આ શોને લોકો ખુબ પસંદ પણ કરી રહ્યાં છે.
હાલમાં જ એક કોવિડ એમ્બ્યુલન્સ ડ્રાઇવરની દીકરીને શૉમાં એન્ટ્રી અપાઇ છે. સયાલી કાંબલે નામની દીકરીએ ખૂબ જ સુંદર ગીત ગાયુ અને તેના માટે ત્રણેય જજીસે ઉભા થઇને તાળીઓ વગાડી હતી.