કોરોના કહેર દિવસે ને દિવસે વધી રહ્યો છે ત્યારે તમે આસપાસ નજર નાંખશો તો એવા ઘણા લોકો છે જે કોરોનાથી પીડિત છે પરંતુ તેમને દવાખાનામાં જગ્યા નથી મળી રહી.
પિતાને ઓક્સિજન સાથે લઇને ફર્યો દિકરો
બધા હોસ્પિટલમાં લઇ ગયો પરંતુ જગ્યો ન મળી
ઘરે લઇને જવુ પડ્યુ પરંતુ પરિવાર ભાંગી ગયો
આવો જ એક કિસ્સો લખનઉમાં સામે આવ્યો છે. જ્યાં 70 વર્ષના વૃદ્ધ કોરોના પેશન્ટને લઇને તેનો પરિવાર કારમાં ઓક્સિજન સિલિન્ડર સાથે હોસ્પિટલના ચક્કર કાપી રહ્યો હતો પરંતુ તેમને એક પણ દવાખાનામાં બેડ નહોતો મળ્યો.
મળતી માહીતી અનુસાર લખનઉના અલીગંજમાં રહેતા વૃદ્ધ સુશીલ કુમાર શ્રીવાસ્તવ શુગર અને બીપીના પેશન્ટ છે. બુધવારે તેમને અચાનક શ્વાસ લેવામાં તકલીફ થવા લાગી હતી. પરિવારના લોકો તેમને નજીકના હોસ્પિટલ લઇ ગયા હતા જ્યાં વૃદ્ધનો રેગ્યુલર ઇલાજ થાય છે પરંતુ ડૉક્ટર્સે કોવિડની તપાસ ન થાય ત્યાં સુધી તે પેશન્ટને એટેન કરવાનો સાફ ઇન્કાર કરી દીધો હતો. આ દરમિયાન વૃદ્ધનું ઓક્સિજન લેવલ નીચે જ જતુ રહ્યુ હતુ. તેમ છતાં ડૉક્ટર્સે તે પેશન્ટને ન તપાસ્યો અને જ્યારે ટેસ્ટ કરાવ્યો ત્યારે તે પોઝીટીવ નીકળ્યા હતા.
પરિવારના લોકોએ તેમને હોસ્પિટલમાં દાખલ કરવાની વાત કરી પરંતુ ડૉક્ટર્સે કહ્યું કે દવાખાનામાં બેડ ખાલી નથી અને બીજા હોસ્પિટલ જવાનુ કહ્યું હતુ. દિકરો ઓક્સિજન સિલિન્ડર કારમાં મુકીને શહેરના બધા હોસ્પિટલ ફરી વળ્યો, ફોન પર ડૉક્ટર્સને ઘણી વિનંતી કરી પરંતુ કંઇ કામ ન આવ્યુ ના કોઇની મદદ મળી હતી. આ દરમિયાન ઓક્સિજન સિલિન્ડર પતી જતા મોટી રકમ આપીને ઓક્સિજન સિલિન્ડર ખરીદ્યો હતો.
વૃદ્ધના દિકરાનું કહેવુ હતુ કે બુધવારે પિતાજીની તબિયત લથડી હતી અને તેમને શ્વાસ લેવામાં તકલીફ થઇ રહી હતી. તેમને નજીકના હોસ્પિટલ લઇ ગયા હતા જ્યાં વૃદ્ધનો રેગ્યુલર ઇલાજ થાય છે પરંતુ ડૉક્ટર્સે કોવિડની તપાસ ન થાય ત્યાં સુધી તે પેશન્ટને એટેન કરવાનો સાફ ઇન્કાર કરી દીધો હતો. આ દરમિયાન વૃદ્ધનું ઓક્સિજન લેવલ નીચે જ જતુ રહ્યુ હતુ. તેમ છતાં ડૉક્ટર્સે તે પેશન્ટને ન તપાસ્યો અને જ્યારે ટેસ્ટ કરાવ્યો ત્યારે તે પોઝીટીવ નીકળ્યા હતા.
તે સિવાય પણ તેણે કહ્યું કે, તેના પિતાની હાલત ખરાબ હતી. ડૉક્ટર્સને ઘણી રિકવેસ્ટ કરી પરંતુ બેડ ન હોવાને કારણે એડમિટ કરવાથી ઇન્કાર કરી દીધો હતો. હાલમાં તેમની ઘરે રહીને સેવા કરી રહ્યા છે. જિલ્લાના ઘણા હોસ્પિટલમાં ગયા પણ ક્યાંય બેડ ખાલી ન હોવાને કારણે દાખલ ન કરી શકાયા અને આ ઘટનાએ તેમના આખા પરિવારને તોડી નાંખ્યો છે.