હાલ ફરી એક વખત WhatsApp હવે એક નવા ફીચરનું ટેસ્ટિંગ કરી રહ્યું છે અને આ ફીચરથી યુઝર્સને ઘણો ફાયદો થશે.
WhatsApp હવે એક નવા ફીચરનું ટેસ્ટિંગ કરી રહ્યું છે
નવું ફીચર WhatsAppના લેટેસ્ટ બીટા વર્ઝનમાં જોવા મળશે
જલ્દી જ WhatsApp પર એક એડિટ બટન જોવા મળશે
WhatsApp નો ઉપયોગ આજે લગભગ દરેક લોકો કરતા જ હશે. અ માટે જ તેનો સમાવેશ સૌથી વધુ ઉપયોગમાં લેવામાં આવતી એપમાં થાય છે. WhatsApp માં સરળ અને વધુમાં વધુ ફીચર્સ આપવામાં આવ્યાં છે, જે તેની લોકપ્રિયતા ઘણી વધી છે. અ સાથે જ WhatsApp સતત નવી સુવિધાઓ રજૂ કરીને તેના યુઝર્સના અનુભવમાં વધારો કરે છે. હાલ ફરી એક વખત WhatsApp હવે એક નવા ફીચરનું ટેસ્ટિંગ કરી રહ્યું છે અને આ ફીચરથી યુઝર્સને ઘણો ફાયદો થશે. જણાવી દઈએ કે આ નવું ફીચર WhatsAppના લેટેસ્ટ બીટા વર્ઝનમાં જોવા મળશે.
જલ્દી જ WhatsApp પર એક એડિટ બટન જોવા મળશે અને તેનાથી તમે તમારા મેસેજને એડિટ કરી શકો છો. તેને લઈને એક મીડિયા રિપોર્ટ જાણકારી આપી છે અને તેમાં આ અંગેના સ્ક્રીનશોટ પણ શેર કરવામાં આવ્યા છે.
સ્ક્રીનશોટમાં બતાવવામાં આવ્યું છે કે જો મેસેજ મોકલનાર તેના મેસેજ ને એડિટ કરશે તો તેને નીચે Edited લેબલ લાગી જશે એ પરથી સામેની વ્યક્તિને ખબર પડશે કે આ મેસેજ એડિટ કરવામાં આવ્યો છે. હજુ એ વાત પર કોઈ માહિતી બહાર આવી નથી કે WhatsApp મેસેજ એડિટ કરવા પર નોટિફિકેશન મોકલવામાં આવશે કે નહીં.
આ સિવાય એ વિશે પણ કોઈ માહિતી બહાર આવી નથી કે WhatsApp મેસેજ એડિટનો ટાઈમ અને તારીખ પણ શો કરશે કે નહીં. ખાસ જણાવી દઈએ કે રિપોર્ટમાં કહેવામાં આવ્યું છે કે WhatsApp મેસેજને એડિટ કરવા માટે માત્ર 15 મિનિટનો સમય આપશે. અને આ સમયમાં મેસેજ મોકલનારને તેની ભૂલ સુધારવાનો મોકો મળશે. આ સિવાય હજુ એ પણ સાફ નથી કે WhatsApp એડિટ કરેલ મેસેજના ઓરીજનલ મેસેજ જોવાનો ઓપ્શન આપશે કે નહીં.
આ વિશે હજુ વધુ માહિતીની રાહ જોવામાં આવી રહી છે. આ ફીચર્સને WhatsAppના એન્ડ્રોઇડ બીટા વર્ઝન 2.222.22.14માં જોવામાં આવ્યું છે. યુઝર્સ માટે આ ફીચર્સ ક્યારે બહાર પાડવામાં આવશે એ વિશે હજુ કોઈ માહિતી મળી નથી.