હાલ અમેરિકામાં એક અલગ પ્રકારની જ ઘટના સામે આવી છે જેમાં એક સ્ત્રી જે મૂળ અમેરિકાની રહેવાસી છે પરંતુ તેમના સંતાનની ડીલીવરી ઇટાલીમાં કરવામાં આવી જેથી તેમણે અમેરિકાથી કન્ટેનર ભરીને ઇટાલી માટી મંગાવી હતી. કારણ કે તે ઈચ્છતી હતી કે તેમનું સંતાન પહેલા પગલા પોતાના વતન એટલે કે અમેરિકાની માટી પર જ પાડે.
૧૪ હજાર રૂપિયાના ખર્ચે કન્ટેનરમાં માટી શિપ દ્વારા ઈટાલી મોકલાવી હતી
વતનની માટીને સંભાળીને રાખી છે
અમેરિકાના ટેક્સાસ રાજ્યની માટી ઈટાલીમાં મંગાવી
અમેરિકાના જવાન ટોની ટ્રેકોનીની ઈચ્છા હતી કે, તેનાં સંતાનનો જન્મ પોતાની જન્મભૂમિ એટલે કે અમેરિકામાં જ થાય. ટોનીની પત્ની જ્યારે પ્રેગ્નન્ટ થઈ ત્યારે તેનું પોસ્ટિંગ ઈટાલીમાં થયું હતું. ડિલિવરી પહેલાં તેઓ અમેરિકા પરત જાય તેવું વિચાર્યું પણ તે શક્ય બન્યું નહીં. ટોનીએ ડિલિવરી પહેલાં અમેરિકાના ટેક્સાસ રાજ્યની માટી ઈટાલીમાં મંગાવી જેથી આ બાળકના પગ સૌથી પહેલાં તે માટીને જ સ્પર્શ કરે જ્યાં તેના માતા-પિતાનો જન્મ થયો છે. ટોનીના માતા-પિતાએ ૧૪ હજાર રૂપિયાના ખર્ચે કન્ટેનરમાં માટી શિપ દ્વારા ઈટાલી મોકલાવી હતી.
ટોનીએ હોસ્પિટલમાં તેની પત્નીના બેડની નીચે ટેક્સાસની માટી પાથરી દીધી હતી, જેથી અમેરિકામાં જ હોય તેવો અહેસાસ લાગે. ટોનીએ જણાવ્યું કે, મેં અમેરિકાની માટી મંગાવી કારણકે મારી દિલથી ઈચ્છા હતી કે મેં જે માટી પર જન્મ લીધો છે, ત્યાં જ મારું સંતાન પણ જન્મ લે. ગયા વર્ષે જુલાઈ મહિનામાં મારા દીકરા ચાર્લ્સનો જન્મ થયો. મેં તે સમયે ટ્વીટ કર્યું હતું. તેના જન્મ પછી પણ મેં વતનની માટીને સંભાળીને રાખી છે. થોડા દિવસ પહેલાં મેં તેને આ માટી પર ઊભો રાખ્યો હતો, તે સમયે મારી ખુશીનો કોઈ પાર નહોતો.