ચીનની દિગ્ગજ ટેક કંપની શાઓમી (Xiomi)એક ખાસ ડિવઈસ બનાવી રહ્યું છે, જે માત્ર અવાજની મદદથી સ્માર્ટફોન અને અન્ય ડિવઈસની બેટરીને ચાર્જ કરી શકાશે.
શાઓમીના સાઉન્ડ ચાર્જિંગ પેટન્ટની જોવા મળી તસવીરો
શાઓમી સ્માર્ટફોનથી અન્ય ડિવાઇસીસ પણ થશે વાયરલેસ ચાર્જ
શાઓમી કંપની પાસે છે MIએર ચાર્જ ટેક્નોલોજી માટે 17 પેટન્ટ
ભારતમાં નંબર-1 સ્માર્ટફોન બ્રાન્ડ હોવાનો દાવો કરનારી શાઓમીએ આ નવી ટેક્નોલોજી માટે પેટન્ટ ફાઈલ કરી છે. ચીનના નેશનલ ઈનટેલેક્ચુઅલ પૉપર્ટી એડમિનિસ્ટ્રેશન (CNIPA)પર શાઓમીના સાઉન્ડ ચાર્જિંગ પેટન્ટની તસવીરો જોવા મળી છે.
કેવી રીતે કામ કરશે સ્માર્ટફોનનો સાઉન્ડ ડિવઈસ?
એક રિપોર્ટ પ્રમાણે કે, શાઓમી આ સાઉન્ડ ચાર્જિંગ પેટન્ટનો ઉપયોગ સાઉન્ડ ચાર્જિંગ ડિવાઈસ, એનર્જી સ્ટોરેજ ડિવાઈસ અને ઇલેક્ટ્રોનિક ડિવાઇસ માટે કરી શકે છે. આ તમામ ડિવાઈસ અવાજ એકત્રિત કરશે અને તેને એન્વાર્યમેન્ટલ વાઈબ્રેશનથી મિકેનિકલ વાઈબ્રેશનમાં રૂપાંતરિત કરશે.
વીજળી વિના 8 મિનિટમાં ચાર્જ થશે સ્માર્ટફોન
આ મિકેનિકલ ડિવઈસને ઈલેક્ટ્રિક કરંટમાં કન્વર્ટ કરવા માટે શાઓમી કંપની ગ્રાહકોને એક બીજું ડિવાઈસ પણ આપશે. જે ડિવાઈસ ACકરંટને DCકરંટમાં રૂપાંતરિત કરશે. શાઓમી કંપનીનો દાવો છે કે આ ટેકનોલોજી પાવર સોકેટ વિના સ્માર્ટફોન અને અન્ય ડિવાઇસીસ ચાર્જ કરશે.
આ સિવાય, શાઓમી કંપનીએ આ ડિવાઈસના 200W હાયપરચાર્જ તકનીકની પણ રજૂ કરી છે, જે ફક્ત 8 મિનિટમાં 4000 mahની બેટરી ચાર્જ કરશે. કંપનીએ આ ડિવાઈસના નવા MIએર ચાર્જરને પણ રજૂ કર્યું હતું, જે ચાર્જિંગ કેબલ અથવા સ્ટેન્ડ વિના ડિવાઈસની બેટરી ચાર્જ કરી શકે છે. શાઓમીએ દાવો કર્યો છે કે નવી MIએર ચાર્જ તકનીકનો ઉપયોગ એક જ સમયે અનેક ડિવાઈસને વાયરલેસ ચાર્જ કરવા માટે થઈ શકે છે.