અફઘાનિસ્તાનમાં તાલિબાને કબ્જો મેળવી લીધા બાદ અહીયા પરિસ્થિતી સૌથી ખરાબ થઈ છે. એરપોર્ટ પર અફરાતફરીનો માહોલ છે. લોકો લટકીને ફ્લાઈટમાં ઘુસવાનો પ્રયાસ કરી રહ્યા છે.
અફઘાનિસ્તાનમાં પરિસ્થિતી સૌથી ખરાબ
એરપોર્ટ પર વિઝા ચેક કરવા કોઈ નહી
લોકો દેશ છોડવા ફ્લાઈટ પર લટકી પડ્યા
અફઘાનિસ્તાનમાં તાલિબાને સંપૂર્ણ કબ્જો કરી લીધા બાદ પરિસ્થિતી અહીયા સૌથી ખરાબ સર્જાઈ છે. ખાસ કરીને એરપોર્ટ પર લોકોની ભારે પ્રમાણમાં ભીડ જોવા મળી રહી છે. ભીડને કાબૂમાં કરવા માટે અમેરિકાના સૈનિકો દ્વારા ફાયરિંગ પણ કરવામાં આવ્યું હતું. પરિસ્થિતી એટલી ખરાબ છે કે એરપોર્ટ પર કોઈ વીઝા પણ ચેક નથી કરી રહ્યું.
This is, perhaps, one of the saddest images I've seen from #Afghanistan. A people who are desperate and abandoned. No aid agencies, no UN, no government. Nothing. pic.twitter.com/LCeDEOR3lR
બીજી તરફ તાલીબાને એવું કહ્યું છે કે લોકો 17 ઓગસ્ટ સવારના 8 વાગ્યા સુધી પોતાના ઘરમાંજ રહે. કાબુલ એરપોર્ટ પરથી બધી કોમર્શિયલ ફ્લાઈટ પણ બંધ કરી દેવામા આવી છે. તેમ છતા લોકો દેશ છોડીને ભાગી રહ્યા છે બેંકોમાંથી રૂપિયા ઉપાડીને ચારેય બાજુ દોડી રહ્યા છે. ઘણા લોકો તેમના વીઝા બનાવવા માટે તેમના દેશના દૂતાવાસ પર ચક્કર લગાવી રહ્યા છે.
Another Saigon moment: chaotic scenes at Kabul International Airport. No security. None. pic.twitter.com/6BuXqBTHWk
આ પરિસ્થિતીને જોતા અમેરિકા, બ્રિટેન અને ફ્રાંન્સ જેવા મોટા દેશો પણ હેરાન પરેશાન નજરે પડી રહ્યા છે. તેઓ તેમના નાગરીકોને અફઘાનિસ્તાનથી નિકાળવા માટે સ્પેશિયલ ફ્લાઈટની સેવા આપી રહ્યા છે. ભારતે પણ ગત રવિવારે અફઘાનિસ્તાનમાંથી આપણા નાગરિકોને બહાર કાઢ્યા હતા.
રાષ્ટ્રપતિ દેશ છોડીને ચાલ્યા ગયા
કાબુલમાં તાલિબાને કબજો કરી લીધો છે. રાષ્ટ્રપતિ અશરફ ગની અને ઉપરાષ્ટ્રપતિ અમીરુલ્લાહ સાલેહ પોતાના નજીકના સાથીઓ સાથે દેશ છોડી દીધો. બાદમાં તાલિબાને રાષ્ટ્રપતિ ભવન પર કબજો કરી લીધો હતો . મોડી રાત્રે અનેક વીડિયો પણ સામે આવ્યા હતા. તાલિબાન કાબુલના માર્ગો પર નજરે પડ્યા હતા. તાલિબાન નેતા મુલ્લા બરાદરે તમામ લોકોની સુરક્ષાની બાંહેધરી આપી. બરાદરે કહ્યું કે થોડા દિવસમાં બધુ નિયંત્રણમાં લઈ લેવાશે.
સોશિયલ મીડિયામાં વીડિયો વાયરલ થયા
અફઘાનિસ્તાન પર તાલિબાનના કબ્જાની વચ્ચે કાબુલ એરપોર્ટ પર હજારો લોકોની ભીડ જોવા મળી રહી છે. અનેક દેશોના રાજનાયિકોને પણ કાબુલ એરપોર્ટ પરથી બચાવીને લઈ જવાઈ રહ્યા છે. તાલિબાનના કબ્જા બાદ કાબુલ એરપોર્ટ પર ફાયરિંગના સમાચાર મળ્યા છે. જો કે અત્યાર સુધી ગોળીબારીમાં કોઈ જાનહાની થઈ નથી. પરંતુ એર પોર્ટ પર ભાગદોડ મચ્યાનો વીડિયો હવે સોશિયલ મીડિયા પર વાયરલ થઈ રહ્યો છે. બીજી તરફ અફઘાનિસ્તાનમાં સ્થિતિ ખરાબ થઈ રહી છે. આજે સંયુક્ત રાષ્ટ્ર સુરક્ષા પરિષદની બેઠક બોલાવવામાં આવી છે. જેની અધ્યક્ષતા ભારત કરશે.