US Elections 2020 / ફેક્ટચેક કરતી વેબસાઈટનો ચોંકાવનારો દાવો, અમેરિકી પ્રમુખ 20 હજારથી વધુ વાર બોલ્યા છે ખોટું

• અમેરિકી પ્રમુખ ટ્રમ્પને લઈને ચોંકાવનારો દાવો
• 20 હજારથી વધુ વખત ખોટું બોલ્યા છે રાષ્ટ્રપતિ ટ્રમ્પ 
• 2016 થી લઈને અત્યાર સુધીના સમયનું કરાયું રિસર્ચ

PolitiFact ના ડેટામાં આ વાત સામે આવી હતી કે વર્ષ 2016  ની ચૂંટણીમાં હિલેરી ક્લીન્ટનને હરાવ્યા બાદ ડોનાલ્ડ ટ્રમ્પ રાષ્ટ્રપતિ પદ પર બિરાજ્યા હતા, ત્યારથી લઈને અત્યાર સુધીમાં તેઓ ઘણી વાર જાહેરમાં પણ ખોટું બોલ્યા છે અને અહેવાલ અનુસાર આ આંકડો 20 હજારથી વધુનો હોઈ શકે છે.

અમેરિકી અર્થવ્યવસ્થા બાબતે પણ ખોટું બોલ્યા રાષ્ટ્રપતિ 

અહેવાલ અનુસાર પ્રમુખ ટ્રમ્પ એ એવો દાવો કર્યો હતો કે તેમના શાસનકાળમાં તેમણે સૌથી વધુ મજબૂત અમેરિકી અર્થવ્યવસ્થાનું નિર્માણ કર્યું છે જો કે આ મામલે સત્ય એ છે અગાઉના પ્રમુખો જેવા કે લિંડન બી જ્હોન્સન, બિલ ક્લિન્ટન, આઈઝનહાવર (Dwight D. Eisenhower)ના સમયમાં અમેરિકી અર્થવ્યવસ્થા વધુ મજબૂત રહી હતી. 

રશિયાની સાથે ડીલની બાબતે ૨૩૬ વખત ખોટું બોલ્યા 

એક અહેવાલ અનુસાર અમેરિકી રાષ્ટ્રપતિ પદની 2016 ની ચૂંટણીમાં ટ્રમ્પની જીત થાય તે માટે રશિયા દ્વારા હિલેરી ક્લીન્ટનને બદનામ કરવાનું કાવતરું રચવામાં આવ્યું હતું જેને લઈને મૂલરની રીપોર્ટમાં દાવો કરવામાં આવ્યો હતો, જો કે મૂલર આ વાતને કોર્ટમાં સાબિત કરી શક્યા નહોતા, જો કે ડોનાલ્ડ ટ્રમ્પ પહેલાથી જ આ વાતનો ઇનકાર કરતા આવ્યા છે.  

મેક્સિકો બોર્ડર બાબતે પણ વારંવાર ખોટું બોલ્યા ટ્રમ્પ

પોતાને ચૂંટણીમાં જીતાડવા માટે ટ્ર્મ્પે અગાઉ ઘણા વચનો આપ્યા હતા, જેમાં એક મુદ્દો અમેરિકામાં મેક્સિકોની સરહદેથી ઘૂસતા ગેરકાયદે વસાહતીઓનો મુદ્દો પણ સામેલ હતો, જેને લઈને ટ્ર્મ્પે મેક્સિકો બોર્ડરને દીવાલ દ્વારા સીલ કરવાની વાત કરી હતી, જો કે આ મુદ્દે તેઓ ઘણી વાર ખોટું બોલ્યા છે. એક અહવાલ પ્રમાણે કોન્ક્રીટની દીવાલ બંધાઈ રહી છે પરંતુ તે માટે અગાઉથી જ ત્યાં બનેલી વાડના જ કેટલાક ભાગનો ઉપયોગ કરવામાં આવ્યો છે.