અમદાવાદ શહેરમાં દિન-પ્રતિદિન ચોરીના બનાવો વધતા જાય છે. પરંતુ શાહીબાગમાં અજીબ ચોરીની ઘટના બની છે. જે ઘટનાથી પોલીસ પણ ગોટાળે ચડી ગઈ છે. જોકે આ વખતે ખાલીદા નામની એક યુવતીના બકરા ગાયબ થઈ ગયા છે. પોલીસે હાલ ગુનો નોંધી લાલ અને ભૂરાની શોધખોળ હાથ ધરી છે.
શહેરમાં ચોરી થયાની અવનવી ઘટનાના કિસ્સાઓ તો સાંભળ્યા હશે.પણ શાહીબાગ વિસ્તારમાં તો અજીબોગરીબ ચોરીની ઘટના બની છે કે પોલીસ પણ ગોથે ચડી ગઈ છે. શાહીબાગ પોલીસ 'લાલ' અને 'ભૂરા'ને શોધી રહી છે.
શાહીબાગ વિસ્તારમાં આવેલ અસારવા બ્રિજ પાસે રહેતી ખાલીદા બીબી ઘાંચીએ અજાણ્યા ઈસમો વિરુદ્ધમાં શાહીબાગ પોલીસ સ્ટેશનમાં ફરિયાદ કરી છે. ખાલીદા તેની માતા બહેન તેમજ ભાઈ સાથે રહે છે અને ખાલીદા બે બકરા તથા ચાર બકરીઓ રાખીને પોતાનું ગુજરાન ચલાવે છે. તા.૧૨ જાન્યુઆરીના રાતના સમયે બે બકરા તથા ચાર બકરીઓ તેમના મકાનની આગળ બાંધીને સુઈ ગયાં હતાં. ખાલીદાએ સવારે છ વાગે ઊઠીને જોયું તો બકરા ગાયબ હતાં તેથી તે જોઈને ચોંકી ગઈ હતી.જ્યારે ખાલીદા રાતે સુઈ ગઈ ત્યારે અજાણ્યા ઈસમો બકરા ચોરીને ફરાર થઈ ગયા હતા. ત્યારબાદ ખાલીદાએ તેના બે બકરામાંથી એક બકરો લાલ અને બીજો ભૂરા કલરનો તેમજ ચાર બકરીમાંથી બે બકરી લાલ અને બીજી બે બકરી સફેદ કલરની આસપાસના વિસ્તારમાં શોધખોળ કરી પરંતુ બકરા કે બકરા મળી ન આવતાં શાહીબાગ પોલીસ સ્ટેશનમાં ચોરીની ફરિયાદ નોંધાવી છે.પોલીસે હાલ ગુનો નોંધી લાલ અને ભૂરાની શોધખોળ હાથ ધરી છે.