ભાજપના જિલ્લા મહામંત્રી મનસુખ રામાણી પર તત્કાલીન કાર્યકારી પ્રમુખ રહી ચુકેલા સોનલબેન વસાણીએ કેટલાક આક્ષેપો કર્યા છે.તો વડોદરામાં ભાજપનાં વર્તમાન અને પૂર્વ ધારાસભ્ય સામ-સામે
વડોદરા ભાજપમાં બે નેતાઓ આમને-સામને
રાજકોટમાં પણ ભાજપના મહામંત્રી પર આરોપ
અમદાવાદમાં કોન્ગ્રેસના નેતા પર કાલા જાદૂનો પ્રયોગ
ગુજરાતના રાજકારણના મોટા બે પક્ષોમાં આંતરિક ખેંચતાણ અને કહેવાતી ટાંટિયા ખેંચ એ કોઈ નવી વાત નથી. ભાજપ હોય કે કોંગ્રેસ જિલ્લા થી માંડીને પ્રદેશ અને પાર્ટીમાં સંત્રીથી માંડીને મંત્રી સુધીના તમામ છડેચોક નારાજગી વ્યક્ત કરતા જોવા મળે છે. અમદાવાદમાં વિપક્ષનાં નેતા પદ માટે કાલા જાદૂ નો મામલો પણ આવી ઘટનાનું જ એક પરિમાણ છે.હજુ અમદાવાદનો વિવાદ ધગધગે છે ત્યાંજ રાજકોટ અને વડોદરામાં ભાજપમાં નાની શી ચિનગારી ચંપાઈ છે. રાજકોટમાં જિલ્લા ભાજપના મહામંત્રી સામે એક સમયના કાર્યકારી મહિલા પ્રમુખે સણસ ણતા આરોપ લગાવ્યા છે.
રાજકોટમાં શું થયું ?
રાજકોટ જિલ્લા ભાજપ જૂથવાદનો મામલો વધુ ઉફાણે ચઢ્યો છે. ભાજપના જિલ્લા મહામંત્રી મનસુખ રામાણી પર તત્કાલીન કાર્યકારી પ્રમુખ રહી ચુકેલા સોનલબેન વસાણીએ કેટલાક આક્ષેપો કર્યા છે. પોતાની પર લાગેલા આક્ષેપને લઇને મનસુખ રામાણીનું નિવેદન આપતા કહ્યું કે, સોનલબેન વસાણીના આક્ષેપ વિશે હું જાણતો નથી. ઉમેર્યું પણ ખરૂ કે, સોનલબેન વસાણી કાર્યકારી પ્રમુખ હતા તેથી નવા પ્રમુખ તો આવવાના જ હતા. સોનલબેનને બીજીવાર ઉત્તરપ્રદેશમાં ચૂંટણી પ્રચારાર્થે જવા માટે ન મળ્યુ હોવાથી નારાજ હોઇ શકે છે. પોતે જિલ્લા મહામંત્રી હોવાથી આવી નાની બાબતો પર ધ્યાન નથી આપતા. તેમ કહી રામાણીએ પોતાના પર થયેલા આક્ષેપોથી પલ્લું ઝાટકી લીધું હતું. ચર્ચાય છે કે, જે દેખાય છે એ માત્ર ધુમાડો નથી, ક્યાંક ચિનગારી પણ તગતગે છે.
વડોદરા- કેલેન્ડરમાંથી ખરતી 'લીલોતરી'
બીજી બાજુ વડોદરાના કરજણમાં ભાજપમાં કાળો કકળાટ સામે આવ્યો છે. જેમાં કરજણના ધારાસભ્ય અને પૂર્વ ધારાસભ્ય વચ્ચે ખેંચતાણ યથાવત દેખાય છે. અહીં પૂર્વ ધારાસભ્ય સતિષ પટેલે નવા વર્ષનું કેલેન્ડર છપાવતા વિવાદ થયો છે. જેમાં વર્તમાન ધારાસભ્ય અક્ષય પટેલનો ફોટો ના દર્શાવાતા વિવાદનાં મંડાણ થયા છે. આ કેલેન્ડરમાં તાલુકા કક્ષાના નેતાઓના ફોટા છે પણ ધારાસભ્યનો ફોટો ના દર્શાવાતા વિવાદ ઉભો થયો છે. અગાઉ અક્ષય પટેલ ભાજપમાં જોડાતા સતિષ પટેલ સાઇડલાઇન કરાયા હોવાની પણ ચર્ચા હતી. વડોદરા ભાજપમાં બે નેતાઓ વચ્ચે 'કોલ્ડવોર.થી ગરમાવો આવી ગયો છે.