છોટાઉદેપુર જિલ્લાના નસવાડી તાલુકાના ગુણવત્તા વગરનું ભોજન પીરસવા મામલે 7 મહિલા વોર્ડન સહિત એક પુરુષ વોર્ડનને છુટા કરી દેવામાં આવ્યા જે બાદ વિદ્યાર્થીઓએ શાળામાં હોબાળો મચાવ્યો હતો.
લિંડા કેમ્પસમાં સ્કૂલના વોર્ડનને છૂટા કરાયા
ભોજનમાં ઇયળો નીકળતા કરાઇ હતી તપાસ
ભોજન આપનાર એજન્સીને પણ રદ કરાઇ
છોટાઉદેપુર જિલ્લાના નસવાડી તાલુકાના ગુણવત્તા વગરનું ભોજન પીરસવા મામલે 7 મહિલા વોર્ડન સહિત એક પુરુષ વોર્ડનને છુટા કરી દેવામાં આવ્યા હતા. લિંડા શિક્ષણ સંકુલ આદિવાસી કન્યાઓને સારુ ભોજન ન પીરસવા મામલે હોસ્ટેલની કામ કરતા કર્મચારીઓ સામે કાર્યવાહી કરવામાં આવી હતી. જે બાદ તંત્ર દ્વારા 7 મહિલા અને એક પુરૂષ વોર્ડનને છુટા કરી દેવામાં આવ્યા છે.
શિક્ષકો રોડ પર વિદ્યાર્થિનીઓને સમજાવવા દોડી ગયા
આમ છુટા કરી દેવામાં આવતા વિદ્યાર્થીઓ પણ શાળા કેમ્પસ છોડીને બહાર દોડી આવ્યા હતા. જે બાદ શાળાના શિક્ષકો પણ વિદ્યાર્થીઓને સમજાવવા પાછળ દોડતા જોવા મળ્યા હતા. મહત્વનું છે કે શાળામાં એક હજારથી વધુ વિદ્યાર્થીઓ અને વિદ્યાર્થિનીઓ શાળા બહાર દોડી જતા શાળા શિક્ષકો અને શાળા સંચાલકો પણ મુઝવણમાં મુકાઈ ગયા હતા. વોર્ડનને છુટા કરવામાં આવતા વિદ્યાર્થીઓ તેમના સમર્થનમાં હોય તેમ તેઓ પણ શાળા કેમ્પસની બહાર નીકળી ગયા હતા.જ્યારે શાળાના આચાર્ય અને શિક્ષકો વિદ્યાર્થિનીઓને સમજાવવા રોડ પર દોડી ગયા હતા.
વિદ્યાર્થિનીઓએ વોર્ડનના સમર્થનમાં હોબાળો મચાવ્યો
મહત્વનું છે કે થોડા સમય પહેલા નસવાડી તાલુકાના લિંડા ગામમાં શિક્ષણ સંકુલમા ધારસિમેલ, પિસાયતા, ઘૂંટીયાઆંબા અને મોડલ સ્ફૂલમાં ભોજનની ગુણવતા પર વિદ્યાર્થિનીઓએ હોબાળો મચાવ્યો હતો. ભોજનમાંથી ઈયળ નીકળતતા ભોજનની ગુણવતા સામે અનેક સવાલો ઉઠ્યા હતા વિદ્યાર્થીઓએ રોષે ભરાઈને થાળી, ચમચી વગાડી હોબાળો મચાવ્યો હતો જે બાદ ઉચ્ચકક્ષાએ તપાસ સોંપવામાં આવી હતી જેમા આજે કાર્યવાહી કરવામાં આવતા વોર્ડનને છુટા કરવામાં આવ્યા છે.