મો ટેબ્લેટના નામે કરોડો વિદ્યાર્થીઓ સાથે છેતરપિંડ કરવામાં આવી હોય તેવો આક્ષેપ કોંગ્રેસે સરકાર પર લાગવ્યો છે, લાખો વિદ્યાર્થીઓને સરકારે ટેબ્લેટ આપ્યા નથી
ગુજરાત સરકારે વાજતે ગાજતે શરૂ કરેલી યોજના ખોરંભે : 1000 રૂ. આપવા છતાં વિદ્યાર્થીઓ ખાલી હાથ
નમો ટેબ્લેટને લઈ કોંગ્રેસના સરકાર પર પ્રહાર
સરકારે ટેબ્લેટના નામે હજારો રૂપિયા ઉઘરાવ્યા
લાખો વિદ્યાર્થીઓને સરકારે ટેબ્લેટ આપ્યા નથી
રાજ્ય સરકારે વર્ષ 2017માં 1 હજાર રૂપિયામાં નમો ટેબ્લેટ યોજના શરૂ કરી હતી. આ યોજના હેઠળ બે વર્ષ સુધી વિદ્યાર્થીઓને ટેબ્લેટ આપવામાં આવ્યા હતા પણ એ પછી ગયા વર્ષે કોરોના પેનડેમીકને કારણે યોજના હેઠળ ટેબ્લેટ મળી શક્યા નહોતા. ટેબ્લેટની ક્વોલિટી સારી ન હોવા સાથે ચાઈના સાથે પ્રોબ્લેમ થવાના કારણે ગુજરાત સરકારે ચાઈના પાસે ટેબ્લેટ લેવાનું માંડી છે ત્યારે છેલ્લા બે વર્ષથી આ યોજના બંધ છે એવામાં જૂના વિદ્યાર્થીઓ પણ નમો ઈ ટેબ્લેટથી વંચિત રહેતા કોંગ્રેસ સરકાર પર સવાલો ઉઠાવ્યા છે.
સરકારે ટેબ્લેટના નામે હજારો રૂપિયા ઉઘરાવ્યા
કોંગ્રેસે આક્ષેપ કરતા કહ્યું કે સરકાર માત્ર જાહેરાતો કરે છે પણ તેનો અમલ કરતી નથી. કોંગ્રેસ પ્રવક્તા મનીષ દોશીએ કહ્યું કે વર્ષ 2019-20માં સરકારે લાખો વિદ્યાર્થીઓ પાસેથી ટેબ્લેટના નામે એક હજાર રૂપિયા ઉઘરાવ્યા પરતું આજ દિન સુધી વિદ્યાર્થીઓને ટેબ્લેટ આપવામાં આવ્યા નથી તેમજ જૂના વિદ્યાર્થીઓ પણ ટેબ્લેટથી વંચિત રહી ગયા છે. આમ નમો ટેબ્લેટના નામે કરોડો વિદ્યાર્થીઓ સાથે છેતરપિંડ કરવામાં આવી હોય તેવો આક્ષેપ કોંગ્રેસે સરકાર પર લાગવ્યો છે. કોંગ્રેસે સરકાર પર ભ્રષ્ટાચારનો આરોપ લગાવતા વિદ્યાર્થીઓના પૈસા પરત કરવામાં આવે તેવી માંગ કરી છે.
દોઢ લાખ વિદ્યાર્થીઓને સરકારે ટેબ્લેટ આપ્યા નથી
મહત્વનું છે કે રાજ્યભરના અંદાજે 3 લાખ વિદ્યાર્થીઓને ટેબ્લેટ હજુ સુધી મળ્યા નથી, દર વર્ષે પ્રથમ વર્ષમાં પ્રવેશ મેળવાર વિદ્યાર્થીઓને સરકાર માત્ર 1 હજાર રૂપિયામાં ટેબ્લેટ આપતી હોય છે આ ટેબ્લેટ જૂદી જૂદી યુનિવર્સિટીઓમાં દરેક કોલેજમાં આપવામાં આવે છે. જેમાં ગત વર્ષ એટલે કે 2020-21માં ટેબ્લેટ માટે રજિસ્ટ્રેશન જ કરવામાં આવ્યું નથી જેને લઈ કોંગ્રેસના પ્રવક્તા મનીષ દોશીએ જણાવ્યું હતું કે 2019-20માં સરકારે લાખો વિદ્યાર્થીઓ પાસેથી ટેબ્લેટના નામે એક એક હજાર રૂપિયા ઉઘરાવી લીધા છે. પરંતુ દોઢ લાખ વિદ્યાર્થીઓને સરકારે ટેબ્લેટ આપ્યા નથી.
સરકાર માત્ર યોજનાઓની જાહેરાત કરે અમલ કરતી નથી : કોંગ્રેસ
સરકારે ફેબ્રુઆરી 2020માં વિધાનસભામાં આપેલા આંકડા મુજબ 2019-20 માટે 309651 વિદ્યાર્થીઓએ ટેબ્લેટ માટે 1 હજાર રૂપિયા ભરી રજિસ્ટ્રેશન કરાવ્યું હતું.. જેમાંથી સરકારે 15 લાખ 785 વિદ્યાર્થીઓને જ ટેબ્લેટ આપ્યા છે, જ્યારે 15 લાખ 8 હજાર 866 વિદ્યાર્થીઓને 2019-20ના ટેબ્લેટ આપવાના બાકી છે. ત્યારે કોંગ્રેસે આક્ષેપ લગાવતા કહ્યું કે સરકર માત્ર જાહેરાતો કરે છે પણ તેનો અમલ કરતી નથી.
ગુજરાતના લાખો વિદ્યાર્થીઓને નથી મળ્યા ટેબ્લેટ
વિદ્યાર્થીઓ છેલ્લા એક વર્ષથી ક્યારે ટેબ્લેટ મળશે તેની રાહ જોઈ રહ્યા છે. સરકારે 2019 ના વર્ષમાં કોલેજના પ્રથમ વર્ષમાં જે વિદ્યાર્થીઓ પ્રવેશ મેળવ્યો હોય તેમની પાસેથી ટોકન રૂપે એક હજાર રૂપિયા લેવામાં આવ્યા હતા. જે પૈકી હજારો વિદ્યાર્થીઓને ટેબ્લેટ આપવામાં આવ્યા નથી,એક તરફ સરકાર ઓનલાઇન એજ્યુકેશન ને પ્રમોટ કરી રહ્યું છે તો બીજી તરફ વાજતે ગાજતે શરૂ કરેલ નમો ટેબ્લેટ યોજનાની આ હાલત થઈ છે ત્યારે વિદ્યાર્થીઓ ઓનલાઇન એજ્યુકેશન માટે ટેબ્લેટની રાહ જોઈ રહ્યા છે.
ટેબ્લેટના નામે ભ્રષ્ટાચાર થયાનો કોંગ્રેસના આક્ષેપ
રાજ્યમાં ટેબ્લેટ માટે રજિસ્ટ્રેશન અને વિતરણની કામગીરી નોલેજ કંસોર્ટીયમ ઓફ ગુજરાત KCG દ્વારા કરવામાં આવે છે. સમગ્ર મામલે કેસીજીના ડાયરેક્ટર એ.યુ પટેલે નમો ટેબ્લેટ યોજના અંગે કંઈપણ કહેવાનો ઇનકાર કર્યો હતો.