કાર્યવાહી / સાબરકાંઠામાં નવજાતને જમીનમાં દાટી દેનારા નિર્દયી માતા-પિતા મોડી રાત્રે ઝડપાયા, બાળકી સારવાર હેઠળ

• સાબરકાંઠામાં નવજાતને જમીનમાં દાટી દેનારા માતા-પિતા ઝડપાયા
• બાળકીના માતા-પિતાને પોલીસે ભિલોડાના નંદાસણથી ઝડપ્યા
• માતા-પિતાએ વહેલી સવારે બાળકીને જમીનમાં દાટી હતી
• પોલીસે ત્રણ ટીમ બનાવીને માતા-પિતાને ઝડપી પાડ્યા હતા

સાબરકાંઠાના હિંમતનગરના ગાંભોઈ વિસ્તાર નવજાતને જમીન દાટી દેનારા માતા-પિતા ઝડપાઇ ગયા છે. વિગતો મુજબ ગઈકાલે ગાંભોઈ UGCVL ઓફિસની બાજુમાં એક નવજાત બાળકનો રડવાનો અવાજ આવતો હતો. જેથી ત્યાં હાજર શ્રમિકોએ રડવાનો અવાજ આવતા તેઓએ સ્થાનિકોને જાણ કરી હતી. જેથી બાળકના રડવાના અવાજના પગલે જ્યારે જમીન ખોદવામાં આવી તો અંદરથી જીવિત હાલતમાં બાળકી મળી આવી. આથી, તુરંત બાળકીને 108 મારફતે હોસ્પિટલ લઈ જવાઈ. જે બાદમાં પોલીસ દ્વારા અલગ અલગ ટીમ બનાવી તપાસ હાથ ધરવામાં આવતા નવજાતને જમીનમાં દાટનારા માતા-પિતાને પોલીસે ઝડપી પાડયા છે. 

બાળકીના માતા-પિતાને પોલીસે ભિલોડાના નંદાસણથી ઝડપ્યા

ગાંભોઈ UGCVL ઓફિસની બાજુમાં ગઈકાલે એક નવજાત બાળકનો રડવાનો અવાજ આવતો હતો. જેથી ત્યાં હાજર શ્રમિકોએ રડવાનો અવાજ આવતા તેઓએ સ્થાનિકોને જાણ કરી. આથી બાળકના રડવાના અવાજના પગલે જ્યારે જમીન ખોદવામાં આવી તો અંદરથી જીવિત હાલતમાં બાળકી મળી આવી હતી. જે બાદમાં પોલીસ વધુ તપાસ હાથ ધરી અલગ-અલગ ટીમો બનાવી હતી. આ દરમ્યાન પોલીસે બાળકીના માતા મંજુ અને પિતા શૈલેષને ભિલોડાના નંદાસણથી ઝડપી મોડી રાત્રે ઝડપી પાડયા પાડયા છે. 

બાળકીના પિતા છેલ્લા 15 દિવસથી ગાંભોઈ રહેતા હતા

પોલીસ દ્વારા બાળકીના માતા પિતાને ઝડપી પાડયા બાદ અનેક ચોંકાવનારી વિગતો સામે આવી છે. જે મુજબ બાળકીના માતાપિતા છેલ્લા 15 દિવસથી  ગાંભોઈ ખાતે રહેતા હોવાનું સામે આવ્યું છે. ગઈકાલે વહેલી સવારે બાળકીને જમીનમાં દાટીને બંને ગાંભોઈ જતા રહ્યા હતા. જે બાદમાં પોલીસ ત્રણ અલગ અલગ ટીમો બનાવી માતાપિતાને ઝડપી પાડયા હતા.