રાજકોટના સિંધી વેપારી પર દક્ષિણ આફ્રિકામાં ફાયરિંગ કરી હત્યા કર્યા બાદ હબસી લૂંટારુઓએ 70 લાખની લૂંટ ચલાવી હોવાનું સામે આવ્યા સનસનાટી મચી જવા પામી છે.
રાજકોટના સિંધી વેપારીની દક્ષિણ આફ્રિકામાં હત્યા
હબસી લૂંટારુઓ દ્વારા 70 લાખની લૂટ ચલાવી હત્યા કરી નાખી
હરેશ નેભાની નામના વેપારી દાયકાઓ પહેલાં આફ્રિકા સ્થાઈ થયા હતા
વધુ એક ગુજરાતી યુવાનની આફ્રિકામાં હત્યા કરવામાં આવતા ચકચાર મચી જવા પામી છે. રાજકોટના સિંધી વેપારીને દક્ષિણ આફ્રિકામાં મોતને ઘાટ ઉતારી દેવામાં આવતા વતનમાં અરેરાટી મચી જવા પામી છે. હબસી લૂંટારુઓએ 70 લાખની લૂટ ચલાવી હત્યા કરી નાખતા હાહાકાર મચી જવા પમ્યો છે. હરેશ નેભાની નામના વેપારી દાયકાઓ પહેલાં આફ્રિકામાં સ્થાઈ થયા હતા. આ ઘટનાની જાણ થતા મૃતક યુવાનના પિતા રાજકોટથી રાતોરાત આફ્રિકા ખાતે દોડી ગયા હોવાનું જાણવા મળી રહ્યું છે.
હત્યા અને 70 લાખની રોકડ અને લેપટોપની લૂંટ
સાઉથ આફ્રિકાના મડાગાસકર ટાપુમાં પાંચ વર્ષથી સ્થાયી થયેલા અને અનાજ તથા ખાંડના વેપાર સાથે સંકળાયેલ રાજકોટના વેપારી હરેશભાઇ રોહિતભાઈ નેભાણી (ઉ.વ. 35) અને તેના પિતરાઈ ભાઈ સાગર નેભાણી નામના 30 વર્ષીય યુવાન સાથે કારમાં જઇ રહ્યા હતા. આ દરમિયાન જેનો પીછો કરી બાઇક સવાર બે આરોપીઓએ કારમાં ફાયરિંગ કર્યું હતું. જેમાં છાતીના ભાગે ગોળીઓ વાગતા યુવાનનું મોત નિઓજ્યું હતું. આ ઘટનામાં યુવાનના પિતરાઈ ભાઈ સાગર નેભાણીનો ચમત્કારિક રીતે બચાવ થયો હતો. બાદમાં હથિયાર સાથે ઘસી આવેલા લૂંટારો શખ્સોએ હત્યાને અંજામ આપ્યા બાદ 70 લાખની રોકડ અને લેપટોપની લૂંટ ચલાવી નાશી છૂટયા હતા.
યુવાનના પિતા રોહિતભાઈ બનાવના દિવસે જ આવ્યા હતા રાજકોટ
રાજકોટમાં અનાજ કરિયાણાનો વ્યવસાય કરતા હરેશભાઈપાંચ વર્ષ અગાઉ આફ્રિકા ગયા હતા. જ્યા ધંધો વિકસાવ્યા બાદ તેમણે પોતાના પરિવારજનોને પણ સાઉથ આફ્રિકા બોલાવી લીધા હતા અને પરિવાર સાથે સ્થાયી થયા હતા.બાદમાં ભાઈને પણ વેપારની લાઇન મળે તે માટે સાગરભાઈને પણ આફ્રિકા બોલાવી લેતા તે 15 દિવસ અગાઉ જ આફ્રિકા ગયો હતો. આ ઘટનામાં રાજકોટનો આશાસ્પદ યુવાન મોતને ભેટતા પરિવારજનોમા કાળો કલ્પાંત ફેલાયો છે. નોંધનિય છે કે યુવાનના પિતા રોહિતભાઈ બનાવના દિવસે જ રાજકોટમાં આવ્યા હતા. બાદમા આ કરુણાંતીકાની જાન થતા પરત આફ્રિકા પહોંચ્યા હતા.