આ વર્ષ ઘણું એવું છે જે કર્તવ્યપથ પર પહેલીવાર થઈ રહ્યું છે, આજના દિવસે સેનાની શક્તિનો અદભુત નજારો જોવા મળશે. સાથે જ રાજ્યોની ઝાંખીમાં મહિલા શક્તિ જોવા મળશે
રાજપથથી કર્તવ્યપથ બન્યા પછી પહેલી વખત ગણતંત્ર દિવસની પરેડ નીકળશે
આ વર્ષ ઘણું એવું છે જે કર્તવ્યપથ પર પહેલીવાર થઈ રહ્યું છે
પ્રધાનમંત્રી નરેન્દ્ર મોદી નેશનલ વોર મેમોરિયલ પહોંચ્યા બાદ પરેડ શરૂ થશે
આજે ભારતમાં ગણતંત્ર દિવસની ઉજવણી કરવામાં આવી રહી છે, દિલ્હીમાં કર્તવ્યપથ પર આજે સેના દ્વારા ભારતની સૈન્ય શક્તિનું પરેડમાં પ્રદર્શન કરવામાં આવશે, જે આખી દુનિયા જોશે. દિલ્હીમાં દર વર્ષે ગણતંત્ર દિવસે ખાસ વિદેશી મહેમાન સામેલ થાય છે અને જે તે દેશની સેનાની એક ટુકડી પણ પરેડમાં જોડાતી હોય છે. રાજપથથી કર્તવ્યપથ બન્યા પછી આ પહેલી વખત એવું બનશે કે છે કે અહીંથી ગણતંત્ર દિવસની પરેડ નીકળશે. જો કે આજનો ત્યાંનો નજારો ભવ્ય હશે. ઘણી રીતે આ વર્ષનું આયોજન ઘણું ખાસ છે.
Republic Day parade 2023 to showcase India's military prowess, cultural diversity
આ વર્ષ ઘણું એવું છે જે કર્તવ્યપથ પર પહેલીવાર થઈ રહ્યું છે, આજના દિવસે સેનાની શક્તિનો અદભુત નજારો જોવા મળશે. સાથે જ રાજ્યોની ઝાંખીમાં મહિલા શક્તિ જોવા મળશે અને આઝાદીના 75 વર્ષની અસર પણ જોવા મળશે. જણાવી દઈએ કે કાર્યક્રમ સવારે 10.30 વાગ્યાથી શરૂ થશે અને પ્રધાનમંત્રી નરેન્દ્ર મોદી નેશનલ વોર મેમોરિયલ પહોંચ્યા બાદ પરેડ શરૂ થશે. એ બાદ શહીદોને શ્રદ્ધાંજલિ આપશે અને પછી કર્તવ્યના માર્ગે પહોંચશે.
આ વર્ષે કર્તવ્ય પથ પર શું નવું થઈ રહ્યું છે? ચાલો જાણીએ
જોવા મળશે ગરુડ કમાન્ડોની શક્તિઃ
આજના વર્ષ પહેલી વખત એવું બનશે જ્યારે દેશના દુશ્મનો સામે કામ કરતા ગરુડ કમાન્ડો પરેડનો ભાગ બનશે. જણાવી દઈએ કે ગરુડ કમાન્ડો ભારતીય વાયુસેનાનું એક ખાસ ઘાતક દળ છે જેની રચના ફેબ્રુઆરી 2004માં કરવામાં આવી હતી. ગરુડ કમાન્ડો એર અસોલ્ટ, એર ટ્રાફિક કંટ્રોલ, ક્લોઝ પ્રોટેક્શન, સર્ચ એન્ડ રેસ્ક્યુ, એન્ટી ટેરરિસ્ટ ઓપરેશન્સ, ડાયરેક્ટ એક્શન, એરફિલ્ડની સુરક્ષા કરવાનું કામ કરે છે અને તેમની ટ્રેનિંગ સૌથી લાંબી 72 અઠવાડિયા સુધી ચાલે છે. નોંધનીય છે કે એમને આટલી ટ્રેનિંગ આપવામાં આવે છે કે તેઓ રાત્રણઆ સમયે હવા અને પાણીમાં પણ દુશ્મનને મારી શકે છે. છે. જણાવી દઈએ કે હાલમાં ફોર્સમાં 1780 ગરુડ કમાન્ડો છે.
Republic Day 2023: Egyptian President Abdel Fattah El-Sisi to witness parade as chief guest today
અગ્નિવીરોની ટુકડીનું પ્રદર્શન:
આ સાથે જ અગ્નિવીર માટે આ પહેલી વખત છે જ્યારે એમને પરેડનો ભાગ બનાવવામાં આવશે અને તેની સાથે જ પરેડમાં તેઓ એમની શક્તિનું પ્રદર્શન કરતા જોવા મળશે. જો કે આ સાથે જ ઇજિપ્તની સેનાની ટુકડી પણ આ વખતે કર્તવ્યપથ પર જોવા મળશે. ઇજિપ્તની સશસ્ત્ર દળોનું સંયુક્ત બેન્ડ અને માર્ચિંગ ટુકડી આજના દિવસે પરેડમાં જોવા મળશે અને આ ટુકડીનું નેતૃત્વ ઈજિપ્તના કર્નલ મહમૂદ મોહમ્મદ અબ્દેલ ફત્તાહ અલ ખરાસાવી કરશે.
મેડ ઈન ઈન્ડિયા તોપોથી આપવામાં આવશે સલામી:
સાથે જ આજના દિવસે પરેડમાં તિરંગાને કર્તવ્યપથ પર પહેલી વખત સ્વદેશી તોપોથી 21 તોપોની સલામી આપવામાં આવશે. જણાવી દઈએ કે અત્યાર સુધી આ સલામી બ્રિટિશ ગન 25 પાઉન્ડર આર્ટિલરી દ્વારા આપવામાં આવતી હતી પણ હવે તેની જગ્યાએ 105 એમએમ ભારતીય ફીલ્ડ ગન લેવાશે. નોંધનીય છે કે એ મેડ-ઇન-ઇન્ડિયા તોપો જબલપુર અને કાનપુર ફિલ્ડ ગન ફેક્ટરી દ્વારા સંયુક્ત રીતે તૈયાર કરવામાં આવી છે.
નૌકાદળની ટુકડીનું નેતૃત્વ એક મહિલા કરશેઃ
આજની પરેડમાં પહેલી વખત અનેક રીતે મહિલા શક્તિનું પ્રદર્શન જોવા મળશે. જણાવી દઈએ કે આ વખત મહિલા અધિકારી દિશા અમૃત 144 ખલાસીઓની નૌકા ટુકડીનું નેતૃત્વ કરશે અને એ ઉપરાંત ટેબ્લોક્સ માટે જે ત્રણ થીમ નક્કી કરવામાં આવી છે તેમાંથી એક મહિલા શક્તિ છે. નોંધનીય છે કે પાકિસ્તાન બોર્ડર પર દેશની રક્ષામાં તૈનાત મહિલા સૈનિકોને BSF ઊંટની પરેડમાં સામેલ કરવામાં આવશે.
નાર્કોટિક્સ કંટ્રોલ બ્યુરોની ઝાંખી:
આ પહેલી વખત છે જ્યારે નાર્કોટિક્સ કંટ્રોલ બ્યુરોની ઝાંખી પરેડમાં સામેલ કરવામાં આવી છે અને આ વર્ષે કુલ 23 ઝાંખીઓ રજૂ કરવામાં આવશે જેમાંથી 17 ઝાંખી રાજ્યો અને કેન્દ્રશાસિત પ્રદેશોની હશે અને 5 ઝાંખીઓ મંત્રાલયો અને વિભાગો સાથે સંકળાયેલા હશે.