મહેસાણાની આર.જે.ઈન્ટરનેશનલ સ્કૂલ દ્વારા કરાયેલા દબાણ મામલે ધારાસભ્ય ભરત ઠાકોરે પણ રજૂઆત કરી યોગ્ય કરવા માંગ ઉઠાવી છે.
મહેસાણા આર.જે ઇન્ટરનેશનલ સ્કૂલ વિવાદ મામલો
MLA ભરત ઠાકોર દ્વારા મામતદારને રજૂઆત
દબાણને દુર કારવાની ઊઠાવાઇ માંગ
મહેસાણાની આર.જે.ઈન્ટરનેશનલ સ્કૂલ વિવાદમાં સપડાઈ છે. આ સ્કૂલ દ્વારા સરકારી રસ્તા પર આડેધડ દબાણ કરવામાં આવ્યા હોવાના આરોપ લગાવાઈ રહ્યા છે. સ્કૂલ સંચાલકોએ રસ્તા પર દબાણ કર્યું હોવાની રાવ સાથે ધારાસભ્ય ભરત ઠાકોર પણ મેદાને ઉતર્યા છે. 23 બહુચરાજી વિધાનસભા બેઠકના ધારાસભ્ય ભરત ઠાકોર દ્વારા મામલતદારને લેખિત રજૂઆત કરી આ દબાણ હટાવવા માંગ ઉઠાવાઇ છે.
સમગ્ર મામલે MLA ભરત ઠાકોર આવ્યા મેદાનમાં
આર.જે.ઈન્ટરનેશનલ સ્કૂલ દ્વારા દબાણ કરાયાની સ્થાનિક લોકોમાંથી રાવ ઉઠી રહી છે. તેવાંમાં હવે આ મામલે ધારાસભ્ય ભરત ઠાકોરે પણ સૂર પુરાવ્યો છે. ધારાસભ્યએ મહેસાણાના મામતદારને પત્ર લખી રજૂઆત કરી છે. જે રજૂઆતમાં ધારાસભ્યએ આરોપ લગાવતા જણાવ્યુ કે દેડિયાસણ ખાતે આવેલ સર્વે નંબર 451-452-453 વાળી જામીનમાં સ્કૂલ સંચાલકો તથા રી-સર્વે નબંર 458 વાળી જમીનના માલિક હિતેન્દ્ર પટેલ સહિતનાઓએ કાવતરું રચી સરકારી જમીન તથા જાહેર માર્ગ પર બાંધકામ ખડકી દીધું છે ત્યારબાદ રસ્તો પચાવી પડયો છે. આ અંગેની રજૂઆતને ધ્યાને લઈ તાત્કાલિક તાપસના આદેશ જારી કરી કશૂરવારો સામે કડક કાર્યવાહી કરવામાં આવે તેવી માંગ કરવામાં આવી છે.
દબાણનો કડૂસલો બોલાવવા રજૂઆતના અંતમાં માંગ
સ્કૂલના સંચાલકો દ્વારા તમામ નીતિ-નિયમોને નેવે મૂકી રસ્તા પર દબાણો ખડકી દેવામાં આવ્યા હોવાના સણસણતા આક્ષેપો થતાં તંત્ર દોડતું થયું છે. આરોપને લઈને સબંધિત વિભાગ પણ ચોંકી ઉઠ્યો છે. બીજી તરફ દબાણને પગલે સ્થાનિકોને પણ અગવડતા પડી રહી હોવાનું જણાઈ રહ્યું છે અને આ દબાણ અંગે યોગ્ય કાર્યવાહી કરી દબાણોનો કડૂસલો બોલાવવા રજૂઆતના અંતમાં માંગ કરાઇ છે.