રાજ્યમાં મહિલાઓને મદદ માટે મહિલા હેલ્પલાઈન અભયમ્ 181 શરુ કરવામાં આવી છે. જે ચોવીસ કલાક માટે મહિલાઓને ઈમરજન્સી સર્વિસ આપે છે. દિવાળીનાં પર્વ પર રાજ્યનાં અનેક પોલીસ સ્ટેશનમાં મહિલા હેલ્પલાઈન 181નાં કાઉન્સેલરો દ્વારા રંગોળી બનાવવામાં આવી હતી. આ રંગોળીમાં મહિલાના કાયદા, હેલ્પલાઈન તથા મહિલાની સ્થિતીનું વર્ણન કરતી થીમ પર તૈયાર કરવામાં આવી છે.
મહિલા હેલ્પલાઈન 181દ્વારા અમદાવાદ, મહિસાગર , લુણાવાડા, ભાવનગર, નડિયાદ, ગાંધીનગર, ખેડા, મહેસાણા, હિંમતનગર, પાલનપુર અને અમદાવાદ ગ્રામ્યનાં પોલીસ સ્ટેશનમાં મહિલા હેલ્પલાઈન દ્વારા મહિલા પોલીસકર્મીને સાથે રાખીને રંગોળી બનાવવમાં આવી હતી. જેમાં મહિલાઓ માટેનાં ઈમરજન્સી નંબર કયાં કયાં છે. તેમનાં માટે કયાં ક્યા કાયદા છે. તે તમામ બાબતોનું ડિટેલિંગ કરવામાં આવ્યું હતું. તેમજ મંદિરોમાં પણ રંગોળી બનાવવામાં આવી છે.
મહિલાનાં હકોની અવેરનેશ માટે આ પહેલ
આ રંગોળી વિશે વાત કરતાં 181નાં ફાલગુની બહેને જણાવ્યું હતું કે 181ની બહેનોએ પોલીસ સ્ટેશનમાં થીમ બેઝ રંગોળી એટલા માટે બનાવી છે કે તેનાં માધ્યમથી લોકોને એક મેસેજ મળે અને બીજું કે પોલીસ સ્ટેશનમાં આવનારાં તમામ લોકો આ હેલ્પલાઈન વિશે તથા મહિલાઓનાં હકથી માહિતગાર થાય. દિવાળીની શુભકામનાં સાથે અમે તેમને ઈમરજન્સી તમામ હેલ્પલાઈન અને મહિલા હેલ્પલાઈનની મદદ માંગી પોતાની સુરક્ષા માટે અવેર કરવા માંગતા હતાં. જેથી જ્યાં પણ અમારા 181ના ગાડીનાં પોઈન્ટ છે ત્યાં બધે જ રંગોળી કરાવી છે.