કેન્દ્ર સરકારે સશસ્ત્ર દળો માટેની એક મોટી દરખાસ્તનો ટૂંક સમયમાં અમલ કરે તેવી સંભાવના છે.
સશસ્ત્ર દળોના જવાનો માટે કેન્દ્રની મોટી દરખાસ્ત
ગૃહમંત્રી અમિત શાહે તૈયાર કરી 100 દિવસ રજાની દરખાસ્ત
ટૂંક સમયમાં આ દરખાસ્તનો કરાશે અમલ
જવાનો 100 દિવસની રજા પરિવાર સાથે ગાળી શકશે
સૂત્રોના જણાવ્યાનુસાર ગૃહમંત્રી અમિત શાહે એક દરખાસ્ત તૈયાર કરી છે. શાહ દ્વારા તૈયાર કરવામાં આવેલી દરખાસ્ત અનુસાર કેન્દ્રીય સશસ્ત્ર પોલીસ ફોર્સના જવાનો વર્ષ ઓછામાં ઓછા 100 દિવસની રજા પરિવાર સાથે ગાળી શકશે. કેન્દ્રીય ગૃહમંત્રાલય હેઠળ હાલમાં સાત સશસ્ત્ર પોલીસ ફોર્સ આવે છે. કેન્દ્ર સરકારની દરખાસ્ત અનુસાર આ ફોર્સના જવાનોને વર્ષ ઓછામાં ઓછી 100 દિવસની રજા મળશે એટલે કે તેઓ પરિવાર સાથે વર્ષ 100 દિવસ વીતાવી શકશે.
Proposal by Home Minister Amit Shah to allow CAPF jawans spend at least 100 days with their families likely to be implemented shortly, say officials
10 લાખ જવાનો અને અધિકારીઓને મળશે લાભ
ઉલ્લેખનીય છે કે તાજેતરમાં ગૃહમંત્રાલયે આ મુદ્દે ઘણી બેઠકો કરી હતી. ચાલુ મહિનામાં પણ આ મુદ્દે બેઠક યોજાોઈ હતી. સૂત્રોએ જણાવ્યું કે દૂરદરાજના વિસ્તારોમાં વિષમ પરિસ્થિતિઓમાં રહીને દેશની રખેવાળી કરી રહેલા 10 લાખ જવાનો અને અધિકારીઓનો વર્કલોડ હળવો કરવા તથા તેમના પરિવારમાં ખુશહાલી લાવવવા માટે સરકાર આ યોજનાનો વહેલી તકે અમલ કરવા માગે છે.
હાલમાં જવાનોને વર્ષે 60-65 રજાઓ મળે છે
ઉલ્લેખનીય છે કે હાલમાં સશસ્ત્ર દળોના જવાનોને વર્ષે 60થી 65 રજાઓ મળે છે. ગૃહમંત્રી શાહે પણ જવાનોની રજા વધારવા તૈયાર છે તેમણે અધિકારીઓને આ અંગેના આદેશ પણ આપ્યાં છે. ગૃહમંત્રી શાહ એપ્રિલમાં આ યોજનાના અમલીકરણની જાહેરાત કરે તેવી સંભાવના છે.