મોટા ઉલટફેર / ગુજરાતની આ બેઠક પર કોઈએ વિચાર્યું ન હોય તેવા પરિણામ, જનતાએ સૌને ચોંકાવ્યા

• સતત સાતમી વખત ભાજપ સરકાર બનાવવા તરફ આગળ વધી રહ્યું છે
• દરિયાપુર બેઠક પર કોંગ્રેસના ઉમેદવાર ગ્યાસુદ્દીન શેખની હાર થઇ

ગુજરાત વિધાનસભાની ચૂંટણીના પરિણામો હાલ જાહેર થઈ રહ્યા છે અને ગુજરાતમાં સતત સાતમી વખત ભાજપ સરકાર બનાવવા તરફ આગળ વધી રહ્યું છે. ગુજરાત વિધાનસભા ચૂંટણીના પરિણામોમાં હાલ ભાજપ આગળ ચાલી રહ્યું છે. જણાવી દઈએ કે વિધાનસભાની ચૂંટણીના 182 બેઠકોના વલણ સામે આવ્યા છે.  જેમાં ભાજપ 154, કોંગ્રેસ 17, AAP 6 અને 5 બેઠકો પર અન્ય આગળ ચાલી રહ્યું છે. 

ગુજરતની અનેક બેઠક પર અણધાર્યા પરિણામો આવી રહ્યા છે અને હાલ જોતાં લાગી રહ્યું છે છે ભાજપ જંગી બહુમતી સાથે સરકાર બનાવશે. હાલ કોંગ્રેસ માટે અનેક સીટ પરથી માઠા સમાચાર આવી રહ્યા છે. જણાવી દઈએ કે અમદાવાદની દરિયાપુર બેઠક પર કોંગ્રેસના ઉમેદવાર ગ્યાસુદ્દીન શેખની હાર થઇ છે, જ્યારે ભાજપના ઉમેદવાર કૌશિક જૈનની જીત થઇ છે.

કોંગ્રસનું ગઢ ગણાતી અમદાવાદની દરિયાપુર બેઠક પર કોંગ્રેસના ઉમેદવાર ગ્યાસુદ્દીન શેખની હાર બાદ નિવેદન આપતા બોલ્યા કે, 'ચૂંટણીને લઈને જનતાનો ચુકાદો સરમાથા પર રાખશું. બની શકે કે અમારાથી ક્યાંક કચાસ રહી ગઈ હશે.  હાલઆ તો ગુંડાગીરીથી રાઈફલ ક્લબમાં રાજનીતિ થઈ છે.' 

59.40 ટકા થયું હતું મતદાન 
હાલ મળતી માહિતી મુજબ અમદાવાદની દરિયાપુર બેઠક પર ભાજપના ઉમેદવાર કૌશિક જૈનની જીત થઈ ગઈ છે. દરિયાપુરની આ બેઠક પર કોંગ્રેસના ઉમેદવાર ગ્યાસુદ્દીન શેખ ચૂંટણી મેદાનમાં ઉતર્યા હતા. 5 તારીખે ટહેલ બીજા તબક્કાની ચૂંટણીમાં અમદાવાદની દરિયાપુર બેઠક પર 1,24,696 વોટ પડ્યા હતા એટલે કે અંદાજિત 59.40 ટકા મતદાન થયું હતું. 

2012 અને 2017માં કોને મળી હતી જીત?
જો આપણે વર્ષ 2017ની ચૂંટણીની વાત કરીએ તો આ બેઠક પર કોંગ્રેસની જીત થઇ હતી. 2017માં આ બેઠક પર 6,187 મતોથી કોંગ્રેસ જીતી હતી. જો વર્ષ 2012ની વાત કરીએ તો અમદાવાદની આ બેઠક પર 70.66% ટકા મતદાન થયું હતું અને 2,621 મતોની લીડથી કોંગ્રેસે જીત મેળવી હતી.