ચૂંટણી પરિણામ / દસક્રોઇ બેઠક પર પણ આવી ગયું પરિણામ! આ દિગ્ગજ નેતાનો ભવ્ય વિજય

• દસક્રોઈ બેઠક પર ભાજપના ઉમેદવાર બાબુ જમના પટેલ જીતી ગયા
• આ બેઠક પર ભાજપના છેલ્લી સાત ટર્મથી દબદબો રહ્યો છે.  

ગુજરાત વિધાનસભાની ચૂંટણી 2022નું બંને તબક્કાનું મતદાન પૂર્ણ થયા બાદ સૌ કોઈ લોકોની નજર પરિણામ પર હતી. દસક્રોઈ બેઠક પર ભાજપના ઉમેદવાર બાબુ જમના પટેલ જીતી ગયા છે. 

દસક્રોઈ બેઠકની વાત કરીએ તો અહીં ભાજપના ઉમેદવાર બાબુ જમના પટેલ રાજકીય મેદાનમાં ઉતર્યા હતાં તો કોંગ્રેસના ઉમેદવાર ઉમેદી બુધાજી અને આમ આદમી પાર્ટીએ કિરણ પટેલને ટિકિટ આપી હતી. આ બેઠક પર ભાજપના છેલ્લી સાત ટર્મથી દબદબો રહ્યો છે.  

બેઠકમાં ક્યાં ક્યાં વિસ્તાર
આ બેઠકના વિસ્તારની વાત કરીએ તો ગોતા-શહેર, થલતેજ-શહેર, બોપલ-શહેર, લપકામણ, લીલાપુર, ખોડીયાર, છારોડી, જગતપુર, હેબતપુર, ભાડજ, શીલજ, ચેનપુર, ઓગણજ, ઘુમા, શેલા, સોલા, બોડકદેવનો સમાવેશ થાય છે. આ વિધાનસભા બેઠક ખેડા લોકસભા મતવિસ્તારમાં આવે છે. વર્ષ 2019માં થયેલ લોકસભાની ચૂંટણીમાં ભાજપના ઉમેદવાર દેવુસિંહ ચૌહાણે કોંગ્રેસના ઉમેદવાર બિમલ શાહને પરાજય આપ્યો હતા.

ભાજપના સિનિયર નેતાનો ભવ્ય વિજય#GujaratElectionResult #GujaratElections2022 #GujaratAssemblyPolls #GujaratResultsOnVTV #Vtvcard #babujamnapatel pic.twitter.com/Ocw1hspZ2A

— VTV Gujarati News and Beyond (@VtvGujarati) December 8, 2022

બેઠકનો રાજકીય ઈતિહાસ
આ બેઠક પર ભાજપનો દબદબો રહ્યો છે. 2002થી 2017 સુધીમાં બાબુભાઈ પટેલ જીત્યા છે. બાબુભાઈ જમનાદાસએ એક પાટીદાર સમાજ અગ્રણી છે. આ બેઠક પર છેલ્લી સાત ટર્મથી ભાજપનો દબદબો રહ્યો છે જેમાંથી 4 ટર્મ બાબુભાઈ પટેલ વિજય હાંસલ કરેલો છે. વર્ષ 1998માં ભાજપના ઉમેદવાર વિજયભાઈ પટેલ જીત્યા હતા તો 1990 અને 1995માં કમળના નિશાન પર મધુબેન ઠાકોરે જીત હાંસલ કરી હતી. 1980 અને 1985માં કોંગ્રેસના ફતેહસિંહ સોધા જીત્યા હતાં જ્યારે NCO પક્ષના ઉમેદવાર 1975માં વિષ્ણુભાઈ પટેલે જીત મેળવી હતી અને 1972માં કોંગ્રેસના રમણલાલ પટેલ જીત્યા હતાં.

જાતિગત સમીકરણો
દસક્રોઈ બેઠકની જાતિગત સમીકરણો તપાસીએ તો અહીં ઠાકોર અને પટેલ મતદારની સંખ્યા વધુ છે. ટકાવારીના દષ્ટીએ તપાસીએ તો 24.6 ટકા ઠાકોર, 21.4 ટકા પટેલ, 8.7 ટકા દલિત અને 8 ટકા ક્ષત્રિય તો 37.4 ટકા અન્ય મતદારો આ બેઠક પર છે. આમ અહીં ઠાકોર અને પટેલ મતદારોનું વધુ વર્ચસ્વ જોવા છે. અહીં કુલ 3,79,237 મતદારો છે. જેમાંથી 1,81,098 મહિલા મતદારો છે અને 1,98,132 પુરુષ મતદારો છે. નવા મતદારોની વાત કરીએ તો 15,274 મતદારો નવા નોંધાયા છે. અત્રે ઉલ્લખનીય છે કે,   283 જેટલા મતબૂથ કેન્દ્રોમાંથી 149 મતબૂથ કેન્દ્રો સંવેદનશીલ છે.