ભારતીય રિઝર્વ બેન્કે ગુરવારે પશ્ચિમબંગાળના બગનાનમાં યુનાઇટેડ કોઑપરેટિવ બેન્કનું લાયસન્સ કેન્સલ કરી દીધુ છે.
રિઝર્વ બેન્ક ઓફ ઇન્ડીયાએ આ બેન્કનું લાયસન્સ કર્યુ કેન્સલ
બેન્ક પાસે આવકની સંભાવના ન હોવાથી ઉઠાવ્યું આ પગલુ
નાણાકીય સ્થિતિ ખરાબ હોવાથી કર્યુ લાયસન્સ કેન્સલ
આ બેન્ક પાસે બિઝનેસ માટે પૂરતી રકમ ન હોવાને કારણે કેન્દ્રીય બેન્કને આ કાર્યવાહી કરવી પડી હતી. રિઝર્વ બેન્કે કહ્યું કે આ સાથે જ બેન્ક 13 મે 2021થી બંધ થઇ જશે. બેન્કિંગ કારોબાર તાત્કાલિક બંધ કરવો પડશે.
નિવેદનમાં કહેવામાં આવ્યું કે, બેન્ક દ્વારા આપવામાં આવેલ આંકડા અનુસાર દરેક જમાકર્તાઓએ ડિપોઝીટ ઇન્સ્યોરન્સ અને ક્રેડીટ ગેરન્ટી કોર્પોરેશન પાસેથી તેમના બધા જ પૈસા પાછા આપવામાં આવશે.
રિઝર્વ બેન્કે જણાવ્યું કે બેન્ક પાસે પુરતા પૈસા અને આવકની સંભાવના ન હોવાના કારણે આ પગલુ ભરવામા આવ્યુ છે. સાથે જ બેન્ક પોતાની હાલની નાણાકીય સ્થિતિમાં દરેકના પૈસા આપવામાં સક્ષમ નહી હોય.
બીજી લહેરથી સંકટ ઊભુ થયું છે
શક્તિકાંત દાસે મીડિયા સંબોધનમાં કહ્યુ કે કોરોનાની પહેલી લહેર બાદ ઈકોનોમીમાં રિકવરી દેખાવાની શરુ થઈ હતુ પરંતુ બીજી લહેરથી સંકટ ઊભુ થયું છે. સરકાર રસીકરણમાં તેજી લાવી રહી છે. તેમણે આગળ કહ્યુ કે ગ્લોબલ ઈકોનોમીમાં રિકવરીના સંકેત છે. ભારતની વાત કરીએ તો ભારતીય ઈકોનોમી પણ દબાણથી ઉભરતી જોવા મળી રહી છે. આગળ સારા મોન્સૂનમાં ગ્રામીણ માંગમાં તેજીની શક્યતા છે. મૈન્યૂફેક્ચરિંગ એકમોમાં પણ ધીમાપણુ અટકતુ નજરે પડી રહ્યુ છે. ટ્રેક્ટર સેગમેન્ટમાં તેજી યથાવત જોવા મળી રહી છે જો કે એપ્રિલમાં ઓટો રજીસ્ટ્રેશનમાં અછત જોવા મળી છે. આરબીઆઈએ સ્થિતિ પર નજર બનાવી રાખી છે.
હેલ્થ સેવા માટે 50 હજાર કરોડ આપ્યા
આરબીઆઈએ ઈમરજન્સી હેલ્થ સેવા માટે 50 હજાર કરોડ રુપિયા આપ્યા. આ ઉપરાંત રસી મેન્યૂફેર્ચર્સ, રસી ટ્રાન્સપોર્ટ્સ, એક્સપોર્ટ્સને સરળ હપ્તે લોન ઉપલબ્ધ કરાવશે. આ ઉપરાંત હોસ્પિટલો, હેલ્થ સર્વિસ, પ્રોવાઈડર્સને પણ આનો લાભ મળશે. શક્તિકાંત દાસે કહ્યુ કે પ્રાઈરોરિટી સેક્ટર માટે જલ્દી લોન અને ઈન્સેન્ટિવ આપવામાં આવશે.
બેંક અકાઉન્ટ ખોલાવવા માટે KYCને મંજૂરી
ગવર્નર શક્તિકાંત દાસે પોતાના સંબોધનમાં કહ્યું કે હાલની સ્થિતિમાં KYCના નિયમોમાં કેટલાક ફેરફાર કરવામાં આવ્યા છે. આ અંતર્ગત વીડિયોના માધ્યમથી KYCને મંજૂરી આપવામાં આવી છે. તેમણે એમ પણ કહ્યુ કે રાજ્યો માટે Overdraft Facilityમાં રાહત આપવામાં આવી છે.