સલમાન ખાન તેની આગામી ફિલ્મ રાધેને લઈને ચર્ચામાં છે. સલમાન ખાન ફિલ્મ રાધે 2020ની ઈદ પર રિલીઝ કરવા માંગતો હતો અને તેની પાસે આ ફિલ્મ પૂરી કરવા માટે માત્ર 6-7 મહિનાનો સમય હતો. આટલી જલ્દી ફિલ્મની શૂટિંગ ખતમ કરવી સરળ નહોતું, પરંતુ સલમાને ખૂબ જ ઝડપથી કામ કરીને લગભગ 80 ટકા ફિલ્મનું શૂટિંગ ખતમ કરી દીધું હતું, પરંતુ કોરોના વાયરસને કારણે લોકડાઉન થઈ ગયું અને સલમાનની ઇચ્છા અધૂરી રહી ગઈ.
સલમાનના ફેન્સ માટે સારાં સમાચાર
ભાઈજાનની ફિલ્મ રાધેની રિલીઝ ડેટ આવી સામે
ઈદ પર ફેન્સને આપશે ભેટ
ધીરે ધીરે ફિલ્મનું શૂટિંગ ફરી શરૂ થઈ ગયું છે, થિયેટરો ફરી ખુલી ગયા છે. સલમાને હાલમાં જ રાધે માટે શૂટિંગ કર્યું હતું. હવે નવેમ્બરમાં 10-15 દિવસ કામ થશે અને ફિલ્મનું શૂટિંગ પૂરું થઈ જશે. એટલે કે, વર્ષના અંત સુધીમાં સલમાનની ફિલ્મ 'રાધે' રિલીઝ થવા માટે તૈયાર થઈ જશે. તો ફિલ્મ ક્યારે રિલીઝ થશે?
સૂત્રોના જણાવ્યા અનુસાર સલમાન ખાનની ફિલ્મ રાધે ધ મોસ્ટ વોન્ટેડ આગામી વર્ષે ઈદ પર રિલીઝ થશે. આ ફિલ્મ 12 મેના રોજ રીલિઝ થવાની છે. એક ન્યૂઝ પોર્ટલ અનુસાર રાધેની આખી ટીમે તાજેતરમાં જ આ સંદર્ભે એક મીટિંગ કરી હતી. આ મીટિંગમાં પ્રભુદેવા, સોહેલ ખાન સાથે સલમાન પણ હાજર રહ્યાં હતા.
એવું કહેવામાં આવ્યું હતું કે અગાઉ આ ફિલ્મ આવતા વર્ષે રિપબ્લિક ડે પર રિલીઝ કરવાની ઈચ્છા હતી, પરંતુ લોકો થિયેટરમાં જતા ડરી રહ્યાં છે, જેથી મેકર્સ રિસ્ક લેવા નહોતા માંગતા. જેથી આ ફિલ્મ 2021ની ઈદ પર રિલીઝ થશે. જોકે, હજી સુધી ફિલ્મની રિલીઝને લઈને કોઈ ઓફિશિયલ જાહેરાત કરવામાં આવી નથી.