રણજી ટ્રોફી / સાજા થઈને આવેલા ક્રિકેટરે બોલાવી દીધા ભુક્કા, એકઝાટકે ઝડપી લીધી 8 વિકેટ

• ટીમ ઈન્ડિયા માટે એક મોટા સારા સમાચાર
• ભારતીય ક્રિકેટ ટીમનો સૌથી મોટો મેચ વિનર હવે સંપૂર્ણ રીતે ફિટ
• રણજી ટ્રોફીમાં આક્રમક બોલિંગ દેખાડી 8 વિકેટ ઝડપી

ટીમ ઈન્ડિયા માટે એક મોટા સારા સમાચાર સામે આવી રહ્યા છે.  ભારતીય ક્રિકેટ ટીમનો સૌથી મોટો મેચ વિનર હવે સંપૂર્ણ રીતે ફિટ છે અને તે આવતા મહિને રમાનારી ટેસ્ટ શ્રેણીમાં ઓસ્ટ્રેલિયન ટીમને પોતાનો જાદુ દેખાડશે. ટીમ ઈન્ડિયાના આ સૌથી મોટા મેચ વિનરે રણજી ટ્રોફી મેચમાં 8 વિકેટ લીધી હતી. 

રણજી ટ્રોફીમાં આક્રમક બોલિંગ દેખાડી હતી
ટીમ ઈન્ડિયાના સૌથી મોટા મેચ વિનર રવિન્દ્ર જાડેજાએ તામિલનાડુ સામેની રણજી ટ્રોફી મેચમાં બીજી ઈનિંગમાં ઘાતક બોલિંગ કરતા સૌરાષ્ટ્ર માટે 7 વિકેટ ઝડપી હતી. રવીન્દ્ર જાડેજાએ તમિલનાડુ સામેની બીજી ઇનિંગમાં 17.1 ઓવરમાં 7 બેટ્સમેનોને પોતાનો શિકાર બનાવ્યા હતા. રવિન્દ્ર જાડેજાએ 3.9ની ઈકોનોમી સાથે 53 રન આપ્યા છે. આ પહેલા તમિલનાડુની પ્રથમ ઇનિંગમાં રવિન્દ્ર જાડેજાએ વિકેટ લીધી હતી. એકંદરે આ મેચમાં રવિન્દ્ર જાડેજાએ અત્યાર સુધીમાં 8 વિકેટ ઝડપી છે.   

આ મેચ વિનરે 8 વિકેટ લઈને આગ દેખાડી હતી
ઓસ્ટ્રેલિયાની ટીમ ફેબ્રુઆરીમાં ચાર મેચની ટેસ્ટ સીરીઝ અને ત્રણ મેચની વનડે સીરીઝ રમવા માટે ભારત આવી રહી છે. ભારત અને ઓસ્ટ્રેલિયા વચ્ચે 9 ફેબ્રુઆરીએ નાગપુરમાં પ્રથમ ટેસ્ટ મેચ રમાશે, જેમાં ઓલરાઉન્ડર રવિન્દ્ર જાડેજા રમવાનો છે. રવિન્દ્ર જાડેજા ઘૂંટણની ઈજાને કારણે ઓગસ્ટ 2022થી ક્રિકેટના મેદાનથી દૂર છે. એશિયા કપ 2022માં હોંગકોંગ સામેની મેચ બાદ રવિન્દ્ર જાડેજા ઈજાના કારણે ક્રિકેટના મેદાનથી દૂર હતો અને હવે સંપૂર્ણ રીતે ફિટ રવિન્દ્ર જાડેજાએ તમિલનાડુ સામેની રણજી ટ્રોફી મેચમાં 8 વિકેટ ઝડપી છે.

ઓસ્ટ્રેલિયા સામેની પ્રથમ બે ટેસ્ટ માટે ટીમ ઈન્ડિયા
રોહિત શર્મા (કેપ્ટન), કેએલ રાહુલ (વાઈસ-કેપ્ટન), શુભમન ગિલ, ચેતેશ્વર પૂજારા, વિરાટ કોહલી, શ્રેયસ અય્યર, કેએસ ભરત (વિકેટમેન), ઈશાન કિશન (વિકેટમેન), રવિચંદ્રન અશ્વિન, અક્ષર પટેલ, કુલદીપ યાદવ, રવિન્દ્ર જાડેજા, મોહમ્મદ શમી, મોહમ્મદ સિરાજ, ઉમેશ યાદવ, જયદેવ ઉનડકટ, સૂર્યકુમાર યાદવ.

ભારત વિ ઓસ્ટ્રેલિયા ટેસ્ટ સિરીઝ મેચો:
પ્રથમ ટેસ્ટ, 9-13 ફેબ્રુઆરી, સવારે 9.30, નાગપુર   
બીજી ટેસ્ટ, 17-21 ફેબ્રુઆરી, સવારે 9.30 વાગ્યે, દિલ્હી
ત્રીજી ટેસ્ટ, 1-5 માર્ચ, સવારે 9.30 કલાકે, ધર્મશાળા
ચોથી ટેસ્ટ, 9-13 માર્ચ, સવારે 9.30 કલાકે, અમદાવાદ