કૌભાંડ / ગુજરાતના 25 લાખ શિક્ષિત બેરોજગારો સાથે અન્યાય, પેપર લીક થવા મુદ્દે જુઓ નેતાઓએ શું કહ્યું ? 

• હેડ કલાર્કની પરીક્ષામાં પેપર લીકનો મામલો
• પાસ નેતા દિનેશ બાંભણિયાએ CMને પત્ર 
• કોંગ્રેસ પ્રદેશ પ્રમુખે સરકાર પર કર્યા પ્રહાર 

ભરશિયાળે ગુજરાતમાં દારુબંધી અને સરકારી ભરતીના પેપર લીકના મુદ્દાને લઈને રાજકીય ગરમાવો ચાલી રહ્યો છે.રાજકીય રોટલા શેકવા માટે નેતાઓ એકબીજા પર પ્રહાર કરી રહ્યા છે ત્યારે વિવિધ નેતાઓની પ્રતિક્રિયા સામે આવી રહી છે. 

પાસ નેતા દિનેશ બાંભણિયાએ CMને પત્ર 

હેડ ક્લાર્ક ભરતી પરીક્ષા પેપર લીક થવા મામલે પાસ નેતા દિનેશ બાંભણિયાએ CMને પત્ર લખ્યો છે, ગૌણ સેવા પસંદણી મંડળની પરીક્ષામાં જ ગેરરીતિ કેમ થાય છે અને આવા લોકોને કેમ પકડા નથી તેવા સવાલ કર્યા છે.  પેપપ લીક થવા મુદ્દે સરકાર જવાબદારો સામે ગુનો દાખલ કરી યોગ્ય કાર્યવાહી કરે તેવી  દિનેશ બાંભણિયાએ માંગ કરી છે. 

કોંગ્રેસ પ્રદેશ પ્રમુખ જગદીશ ઠાકોરે સરકાર પર કર્યા પ્રહાર 

આ તરફ ગૌણસેવા પસંદગીનું કથિત પેપર લીક થવા મુદ્દે કોંગ્રેસ પ્રદેશ પ્રમુખ જગદીશ ઠાકોરે સરકાર પર કટાક્ષ કર્યો હતો તેમણે કહ્યું કે  પેપર લીક થવું એ ગુજરાત માટે નવું નથી, વારંવાર ભરતીમાં બદલાવ આવે છે એ ગુજરાતના 25 લાખ શિક્ષિત બેરોજગારો સાથે અન્યાય અને  છેતરપિંડી સમાન છે. જગદીશ ઠાકોરે વધુમાં જણાવ્યું હતું કે વિચારધારા વાળા જ નોકરી કરી શકે એ ભાજપની માનસિકતા, ભૂતકાળ પણ ગુજરાતના મંત્રીનું નામ સામે આવ્યું હતું સરકારી ઠાગાવાળી નહીં પરંતુ તટસ્થ તપાસ થવી જોઈએ.  તો સાથે જ વિપજ નેતા સુખરામ રાઠવાએ જણાવ્યું કે RSSના માણસોને નોકરી મળે તેવો સરકાર પ્રયાસ કરે છે, કોંગ્રેસ વિધાનસભા ગૃહમાં પેપર લીકના મુદ્દાને ઉઠાવશે.  

અર્જુન મોઢવાડીયાએ પેપર લીક કર્યા પ્રહાર 

અર્જુન મોઢવાડીયાએ પેપર લીક મુદ્દે સરકાર પર પ્રહારો કરતા કહ્યું હતું કે રાજ્યમાં એવી એક પણ ભરતી નથી કે જેના પેપર લીક ન થયા હોય, પેપર લીક થતા ભાજપના મળતીયાઓને લાભ થાય છે, દર વખતે પુરાવા રજૂ કરવામાં આવે છે યુવાઓ ક્રાંતિ કરી રસ્તા પર આવે તે પહેલાં સરકાર જાગી જાય તેવી સરકારને સલાહ આપી હતી. 

કેટલાક લોકો તસ્વીર લેતા CCTVમાં જોવા મળ્યા

અહીં હેડ ક્લાર્કની પરીક્ષાનું પેપર લીકના આક્ષેપો બાદ પોલીસે પણ વધુ તપાસ હાથ ધરી છે, ગૌણસેવા પસંદગી મંડળ દ્વારા લેવાયેલી હેડ ક્લાર્કની પરીક્ષાનું પેપર લીક થવા મામલે તપાસ કરવામાં આવી રહી છે. ત્યારે પ્રાતિજ પોલીસ અધિકારીઓ દ્વારા ફાર્મ હાઉસમાં તપાસ કરવામાં આવી જેમાં પોલીસે DVR સાથે CCTV ફૂટેજ કબ્જે કર્યા છે. આ સાથે જિલ્લા LCB પણ તપાસમાં જોડાઇ છે.પોલીસ રાત્રે DVR તપાસ કરી પરત મુકી ગઇ હતી.પરંતુ આજે સવારે DVR પાછુ લઇ જતા અનેક તર્ક-વિતર્ક થઇ રહ્યાં છે.