ચોરી / ફર્લો રજા પર આવેલાં બળાત્કારનાં આરોપીએ લાખો રુપિયાની ચોરી કરી

• ફર્લો રજા પર રહેલા પોક્સોનાં આરોપીએ ચોરી કરી
• સ્ત્રી મિત્રને મળવાં ગયેલાં આરોપીએ મિત્રના પડોશીનાં ઘરમાં જ ચોરી કરી
• સીસીટીવીનાં આધારે ચોરીનો ભાંડો ફુટ્યો

પરિવાર મક્કા ગયો હતો અને ચોરી થઈ

ગોતમીપુર વિસ્તારમાં આવેલી તોફિક બિલ્ડિંગમાં રહેતાં શોએબ પીરમોહમદ અંસારી પત્ની ફરહદાબાનું સાથે ગત મહિને મક્કામાં ઉમરાં કરવા માટે ગયા હતાં. ત્યારે તેમનાં ઘરમાં ૩૦ તોલા સોનું, 1 કિલો ચાંદી અને 3 લાખ કરતાં વધુ રોક્ડની ચોરી થઇ હતી. આ ચોરીમાં પોલીસે ગોમતીપુર પોલીસ ગુનો દાખલ કરીને તપાસ શરૂ કરી હતી. જેમાં પોલીસને એક શંકાસ્પદ યુવકનાં સીસીટીવી ફૂટેજ મળ્યાં હતાં. 

ચોરી સ્ત્રી મિત્રને મળવા આવ્યો હતો

સ્થાનિક પોલીસે બાતમીદારનાં આધારે તપાસ કરી તો જાણવાં મળ્યું હતું શંકાસ્પદ યુવક જાવેદ ઉર્ફે થકેલી અજીજખાન પઠાણ છે. તેને દાણીલીમડામાં વર્ષ ૨૦૧૫માં બાળકી પર આચરેલાં દુષ્કર્મનાં કેસમાં ગત વર્ષે 10 વર્ષની સજા થઈ છે. જાવેદ ઉર્ફે થકેલી 10 દિવસની ફર્લો રજા પર બહાર આવ્યો હતો. આ દરમિયાન તે ફરહદાબાનુંનાં પાડોશમાં રહેતી તેની સ્ત્રી મિત્રને મળવાં માટે આવ્યો હતો. જાવેદની મહિલાં મિત્ર ફરહદાબાનુંની દોસ્ત હતી. ફરહદાબાનુના ઘરમાં લાખો રૂપિયા તેમજ સોના ચાંદીનાં દાગીનાં હોવાની વિગતો સ્ત્રી મિત્રએ જાવેદને આપી હતી. 

ચોરી કરી પાછો જેલમાં જતો રહ્યો

જાવેદે તમામ વિગતો લઈને ચોરીની ઘટનાને અંજામ આપ્યો હતો. તેમજ ચોરેલો મુદ્દામાલ શાહઆલમમાં રહેતાં તેની બહેન બનેવીનાં ઘરમાં મૂકીને જેલમાં પરત જતો રહ્યો હતો. પોલીસે તમામ માહિતી મેળવીને ચોરીનો મુદ્દામાલ સંતાડનાર બનેવી મોહંમદ ઇબ્રાહીમ શેખ અને બહેનની ધરપકડ કરી છે. સ્ત્રી મિત્રને કેસમાં સાક્ષી બનાવી છે. જ્યારે જેલમાં રહેલા ચોરીનાં માસ્ટર માઇન્ડને પક઼ડવા માટે કાયદાકીય પ્રકિયા શરૂ કરી છે.