દાનવીર / પિતાની આખરી ઈચ્છા પૂરી કરવા પરિવારે માં ખોડલને 5 તોલા સોનાનો હાર અર્પણ કર્યો

• રાજકોટના કોરાટ પરિવારનું સોનાનું દાન
• ખોડલધામમાં 5 તોલાનો સોનાનો હાર અપર્ણ કર્યો
• ખોડલ માતા પર પરિવારને અતૂટ આસ્થા

સમસ્ત લેઉવા પટેલ સમાજના આસ્થાનું પ્રતીક ખોડલધામ ખાતે રાજકોટના સ્વ.દામજીભાઈ  કોરાટના સ્મરણાર્થે કોરાટ પરિવાર દ્વારા ખોડલધામમાં માઁ ખોડલને પાંચ તોલાનો સોનાનો હાર અર્પણ કરવામાં આવ્યો હતો. જેની કિમત અંદાજિત 2.50 લાખ આંકવામાં આવી રહી છે. સાથે પરિવાર દ્વારા મંદિરમાં ધ્વજારોહણ પણ કરવામાં આવ્યું હતું,

રાજકોટના કોરાટ પરિવારનું શું કહેવું છે?

સ્વ દામજીભાઈ કોરાટના પરિવારજનોએ મીડિયા સાથેની વાતચીત જણાવ્યું હતુ કે કોરાટ પરિવારને ખોડિયાર માતાજી ઉપર અતૂટ આસ્થા છે અને સ્વ.દામજીભાઈની એક ઈચ્છા હતી કે ખોડલધામ માં ખોડલને પાંચ તોલા સોનાનું દાન કરવું જેમને લઈને તેમના પરિવારજનો દ્વારા તેમની ઇચ્છા અનુસાર ખોડલ માતાજીને પાંચ તોલા સોનાનો હાર અર્પણ કરાયો હતો

કદાચ 5 તોલા ઓછું લાગશે પણ 'ભાવ' મોટો છે. 

દાન કરનાર હરેશભાઈ રાજકોટના રહેવાસી છે. તે ખોડલ માં પર અપરંપાર શ્રદ્ધા છે. સાથે જ કહેવાતા કાળિયુગના જમાના આવો પરિવાર પણ છે જે પિતાની આખરી ઈચ્છાને પોતાનું સપનું માંને છે. અને તેણે પૂરું કરવા ખંતથી મહેનત પણ કરે છે. કદાચ કોઈને આ દાન નાનું પણ લાગે કે 5 તોલા સોનું તો સામાન્ય છે. પણ તેની પાછળનો જે ભાવ અને પિતાની આખરી ઈચ્છા છે તે આ દાનને ઘણું મોટું બનાવી દે છે. માં ખોડલના દાતાર તો ઘણા છે પણ ઉપર બેઠેલી માંને પણ આ દાન ખૂબ જ ગમ્યું હશે. રાજકોટના કોરાટ પરિવારે આપેલ આ દાનના અને તેની પાછળની ભાવનાના ખૂબ જ વખાણ થઈ રહ્યા છે.