રાજ્યમાં સાર્વત્રિક વરસાદ પડી રહ્યો છે ત્યારે હવામાન વિભાગે વરસાદને લઈ મોટી આગાહી કરી છે.
આગામી બે દિવસમાં પડી શકે છે ભારે વરસાદ
અમદાવાદમાં વહેલી સવારથી વરસાદી માહોલ
અનેક જિલ્લાઓમાં ભારે વરસાદનું અનુમાન
ગુજરાતમાં હજુ પણ બે દિવસ વરસાદી માહોલ રહેશે. રાજ્યમાં સાર્વત્રિક વરસાદ પડી રહ્યો છે ત્યારે હવામાન વિભાગે વરસાદને લઈ મોટી આગાહી કરી છે. મધ્ય અને ઉત્તર ગુજરાતમાં ભારે વરસાદ પડી શકે છે. વલસાડ, ડાંગ, તાપી, નવસારીમાં ભારે વરસાદની આગાહી કરવામાં આવી.તો સૌરાષ્ટ્રમાં ગીર-સોમનાથ, જામનગરમાં વરસાદ પડી શકે છે.આગામી દિવસોમાં વધુ એક લો પ્રેશર સક્રિય થશે.લો પ્રેશર સક્રિય થતા વરસાદ યથાવત રહેવાની શકયતા છે.
અમદાવાદમાં વહેલી સવારથી વરસાદી માહોલ
અમદાવાદમાં ગઈ કાલથી વરસાદી માહોલ જોવા મળી રહ્યો છે. આજે વહેલી સવારથી અનેક વિસ્તારોમાં ઝરમર ઝરમર વરસાદ પડી રહ્યો છે જેને લઈ વાતાવરણમાં ઠંડક પ્રસરી ગઈ છે તો વરસાદને લઈને અનેક વિસ્તારોમાં રોડ રસ્તા પર ભરાતા રોડ રસ્તા પર ખાડા પડી ગયા છે કેટલીક જગ્યાએ તો મોટા ભૂવા પડવાની ઘટનાઓ પણ સામે આવી છે માત્ર એક બે ઈંચ વરસાદમાં જ શહેરના અનેક વિસ્તારોમાં પાણી ભરાઈ જતા હોય છે ત્યારે હવામાન વિભાગે શહેરમાં ભારે વરસાદની આગાહી કરી છે.
આગામી બે દિવસમાં પડી શકે છે ભારે વરસાદ
હવામાન વિભાગે જણાવ્યું છે કે આગામી બે દિવસમાં અમદાવાદ શહેર સહિત રાજ્યના અનેક જિલ્લાઓમાં ધોધમાર વરસાદ પડી શકે છે.તો ગાંધીનગર, વડોદરા, સુરત, મહેસાણા સહિત અનેક શહેરોમાં હવામાને હળવાથી ભારે વરસાદની આગાહી વ્યક્ત કરી છે. એટલું જ નહીં ઉત્તર ગુજરાત અને મધ્યગુજરાતમાં પણ વરસાદ મન મુકીને વરસી શકે છે. તો સૌરાષ્ટ્ર સહિતના પથંકમાં હળવાથી મધ્યમ વરસાદની શક્યતાઓ જોવા મળી રહી છે. મહત્વનું છે કે બંગાળની ખાડીમાં લો પ્રેશર સર્જતા ફરી વરસાદની સિસ્ટમ સક્રિય થઈ છે. જેને લઈ હવામાન વિભાગે રાજ્યામાં ભારે વરસાદની આગાહી કરી છે.
અનેક જિલ્લાઓમાં ભારે વરસાદનું અનુમાન
હવામાન વિભાગે આજે મહીસાગર, છોટા ઉદેપુર, અરવલ્લી, પંચમહાલ, દાહોદ, બનાસકાંઠા, પાટણ, સાબરકાંઠા સહિતના પંથકોમાં હળવાથી ભારે વરસાદની આગાહી કરવામાં આવી છે બીજી તરફ અમદાવાદ,ગાંધીનગર,વડોદરા, નર્મદા, વલસાડ, રાજકોટ, જામનગર, ભારે વરસાદનું અનુમાન કરવામાં આવી રહ્યું છે.
ચોમાસાની સિઝનનો 28 ટકા વરસાદ
રાજ્યમાં સાર્વત્રિક વરસાદ પડી રહ્યો છે ત્યારે પોરબંદર, જૂનાગઢ, ગીર સોમનાથ, મહેસાણા, સહિતને અનેક વિસ્તારોમાં સારો એવો વરસાદ વરસી રહ્યો છે તો ખેડા, ડાંગ, તાપી, નવસારી, અમરેલી, દ્વારકા અને દીવમાં આજે ભારેથી અતિભારે વરસાદ પડી શકે છે તેવું હવામાન વિભાગે જણાવ્યું છે. તો દરિયા કાંઠાના વિસ્તારોમાં પણ ભારે પવન સાથે વરસાદ પડી શકે છે જેથી માછીમારોને દરિયો ન ખેડવા માટે સુચના આપી દેવામાં આવી છે.રાજ્યમાં અત્યાર સુધીમાં ચોમાસાની સિઝનનો 28 ટકા વરસાદ વરસી ચુક્યો છે. ધરમપુર-કપરાડાના જંગલ વિસ્તારમાં સારો વરસાદ, જોડિયા ધોધ ફરી સજીવન થતા ઉમટી પડી પ્રવાસીઓની ભીડ