ઋષિ સુનક અને બોરિસ જૉન્સન માંથી કોઈએ પણ હજુ સુધી પાર્ટીના નેતૃત્વ માટે ઉમેદવારીની ઔપચારિક જાહેરાત કરી નથી.
બ્રિટનના પીએમ પદની દોડ થઈ દિલચસ્પ
જોન્સનના સમર્થકોની સંખ્યા 46 પર પહોંચી ગઈ છે
ઋષિ સુનકના સમર્થકોની સંખ્યા 100 પર પહોંચી
ભારતવંશી પ્રીતિ પટેલે બોરિસ જોન્સનનું કર્યું સમર્થન
બ્રિટનના વડાપ્રધાન પદ પરથી લિઝ ટ્રસના રાજીનામા બાદ નવા પીએમ માટેની રેસ રસપ્રદ બની છે. લિઝ ટ્રુસે ઋષિ સુનકને રોમાંચક રીતે હરાવ્યો હતો. જો કે, તે લાંબા સમય સુધી તે પણ પદ પર રહી શક્યા નહીં. તેમણે 45 દિવસ બાદ જ ગુરુવારે વડાપ્રધાન પદ પરથી રાજીનામું ધરી દીધું હતું. લિઝ ટ્રસના રાજીનામા બાદ ઋષિ સુનકની સાથે પૂર્વ વડાપ્રધાન બોરિસ જોન્સનને પણ વડાપ્રધાન પદના દાવેદાર તરીકે ગણવામાં આવી રહ્યા છે. ઋષિ સુનકના સમર્થકોએ શનિવારે દાવો કર્યો હતો કે ભારતીય મૂળના ભૂતપૂર્વ ચાન્સેલરે દેશના વડાપ્રધાન બનવાની રેસમાં ઉમેદવારોની યાદીમાં સામેલ થવા માટે 100 સાંસદોનું સમર્થન જીતી લીધું છે. સુનક દેશના વડા પ્રધાન અને કન્ઝર્વેટિવ પાર્ટીના નેતા તરીકે લિઝ ટ્રુસને બદલવાની રેસમાં છે.
પૂર્વ વડાપ્રધાન જોન્સન સ્વદેશ પરત ફર્યા
સમગ્ર ઘમાસાણ વચ્ચે કેરેબિયન દેશમાં રજાઓ ગાળવા ગયેલા દેશના પૂર્વ વડાપ્રધાન બોરિસ જોન્સન પણ આ રેસમાં સામેલ થવાના ઈરાદા સાથે સ્વદેશ પરત ફર્યા છે. એક રિપોર્ટમાં દાવો કરવામાં આવ્યો છે કે બોરિસ જોન્સનના સમર્થનમાં 100 સાંસદો છે. જો કે, સુનક કે જોન્સને પાર્ટીના નેતા બનવા માટે ચૂંટણી લડવાની ઔપચારિક જાહેરાત કરી નથી. અત્યાર સુધી 'લીડર ઓફ કોમન્સ' પેની મોર્ડોન્ટ એકમાત્ર એવા ઉમેદવાર છે જેમણે ચૂંટણી લડવાની જાહેરાત કરી છે.
બોરિસ જોન્સના નામની મોહર
બ્રિટનના ભૂતપૂર્વ વડા પ્રધાન બોરિસ જૉન્સનની કેબિનેટમાં ગૃહ પ્રધાન તરીકે ફરજ બજાવી ચૂકેલા પ્રીતિ પટેલે લિઝ ટ્રસના સ્થાને તેમના ભૂતપૂર્વ બોસની પુનઃનિયુક્તિને ટેકો આપ્યો છે. ભારતીય મૂળના સાંસદ પટેલે ગતવખતે મૌન સેવ્યું હતું અને વડાપ્રધાન પદ માટે કન્ઝર્વેટિવ પાર્ટીના નેતા લિઝ ટ્રસ અને ઋષિ સુનક વચ્ચે ચાલી રહેલી હરીફાઈ વચ્ચે તેમની પસંદગી જાહેર કરી ન હતી, પરંતુ હવે કહ્યું છે કે 2019ની સામાન્ય ચૂંટણીમાં કન્ઝર્વેટિવ પાર્ટીના નેતા જોન્સનને જનાદેશ મળ્યો હતો. પ્રીતિ પટેલે ટ્વીટ કર્યું કે પૂર્વ વડાપ્રધાને સાચા અને મોટા નિર્ણય લઈને પોતાને સાબિત કરી દીધા છે. પટેલે ટ્વીટ કર્યું, કે, બોરિસ પાસે અમારો ચૂંટણી એજન્ડા પૂરો કરવાનો જનઆદેશ છે. હું જોન્સનને નેતૃત્વ માટેની ટેકો આપું છું.
કેટલાક મંત્રીઓનું સમર્થન
ભૂતપૂર્વ નાણાપ્રધાન સુનકને ટોરી પાર્ટીના કેટલાક મંત્રીઓ અને ટોરી પાર્ટીના વિવિધ જૂથોના કેટલાક સાંસદોનું સમર્થન મળ્યું છે. ભૂતપૂર્વ નાયબ વડા પ્રધાન ડોમિનિક રાબે કહ્યું હતું કે ગરમીમાં ઋષિની યોજના સંપૂર્ણ સાચી હતી અને મને લાગે છે કે તે હજી પણ યોગ્ય છે. રાબે કહ્યું, અમે પાછળ ન જઈ શકીએ તેમ નથી. અમને પાર્ટીગેટ જેવો બીજો પ્રકરણ ફરીથી નથી ઈચ્છતા. અમારે દેશ અને સરકારને આગળ લઈ જવા છે.
કોને કેટલું સમર્થન મળ્યું?
ઓછામાં ઓછા ત્રણ કેબિનેટ પ્રધાનોએ ખુલ્લેઆમ કહ્યું છે કે તેઓ નવા વડા પ્રધાન તરીકે જૉનસનને સમર્થન આપશે. જેમાં વાણિજ્ય મંત્રી જૈકબ રીસ્મોગ, સંરક્ષણ મંત્રી બેન વોલેસ અને અન્ય મંત્રી સિમોન ક્લાર્કનો સમાવેશ થાય છે. જોન્સનના સમર્થકોની સંખ્યા 46 પર પહોંચી ગઈ છે, પરંતુ સુનકના સમર્થકોની સંખ્યા 100 છે. જો માત્ર એક જ ઉમેદવાર આગળ આવે તો આગામી સપ્તાહ સુધીમાં બ્રિટનને નવા વડાપ્રધાન મળી જશે. પરંતુ જો બે ઉમેદવારો વચ્ચે હરીફાઈ થશે તો 170,000 ટોરી સભ્યો શુક્રવાર સુધીમાં ઓનલાઈન મતદાન કરશે.