બનાસકાંઠાના નાની ગીડાસણ ગામે મંદિરની પ્રાણ પ્રતિષ્ઠાના કાર્યક્રમમાં અલ્પેશ ઠાકોરની હાજરી અને કોરોનાના નિયમનું પાલન ન થતા પોલીસે નોંધી ફરિયાદ
નાની ગીડાસણમાં અલ્પેશ ઠાકોરના કાર્યક્રમનો મામલો
કાર્યક્રમને લઇ છાપી પોલીસ દ્વારા તપાસ શરૂ
છાપી પોલીસે આયોજક સહિત 5 સામે નોંધી ફરિયાદ
કોરોના મહામારી વચ્ચે બનાસકાંઠામાં નેતાઓના કાર્યક્રમ યથાવત્ છે. વડગામના ગીડાસણ ગામે મંદિરના કાર્યક્રમમાં ભાજપ નેતા અલ્પેશ ઠાકોર પહોંચ્યો હતા. અને ભાજપ નેતા અલ્પેશ ઠાકોરની આગેવાનીમાં ભીડ ભેગી થઈ હતી. તો આ સાથે કાર્યક્રમમાં સામાજિક અંતર અને માસ્કનો અભાવ પણ જોવા મળ્યો હતો. મોટી સંખ્યામાં અલ્પેશ ઠાકોરના સમર્થકો એકઠા થયા હતા.
નાની ગીડાસણમાં અલ્પેશ ઠાકોરના કાર્યક્રમના મામલે હવે છાપી પોલીસ દ્વારા તપાસ શરૂ કરાઈ છે. છાપી પોલીસે આયોજક સહિત 5 સામે ફરિયાદ નોંધી છે. કોરોના સંક્રમણ વચ્ચે કાર્યક્રમ યોજતા ફરિયાદ નોંધાઈ છે. અલ્પેશ ઠાકોરની હાજરીમાં ભીડ એકઠી થતા અને નિયમોનું પાલન ન થતા વિવાદ સર્જાયો છે. સમગ્ર કાર્યક્રમ મંદિરમાં પ્રાણ પ્રતિષ્ઠા મહોત્સવનો હતો.