સંસદની કામગીરી ઠપ થવાને કારણે વડાપ્રધાન મોદી આજે વિપક્ષ પર બરાબરના ભડક્યા છે. ખાસ કરીને TMC સાંસદની "પાપટી ચાટ" વાળી પોસ્ટ તેમણે અપમાનજનક ગણાવી
પાપડી ચાટ પોસ્ટને લઈને PMનું નિવેદન
વડાપ્રધાને બધા શબ્દો અપમાનજનક ગણાવ્યા
સદનની કામગીરી ઠપ થતા વડાપ્રધાન ભડક્યા
વડાપ્રધાન નરેન્દ્ર મોદીએ મંગળવારે ફરી ભાજપની સંસદીય દળની બેઠકમાં હાજરી આપી હતી. જોકે વિપક્ષ દ્વારા હોબાળો થવાને કારણે આજે પણ કાર્યવાહી ઠપ થઈ. જેને લઈને વડાપ્રધાને વિપક્ષ પર હવે આકરા પ્રહાર કર્યા છે. તેમણે કહ્યું કે આ સમગ્ર મામલે સંવિધાન અને લોકતંત્રનું અપમાન થયું છે તેવું કહ્યું છે.
અપમાનજનક પોસ્ટ
આ બેઠકમાં ગૃહમંત્રી અમિત શાહ તેમજ ભાજપના દિગ્ગજ નેતાઓ પણ શામેલ હતા. કેન્દ્રીય મંત્રી પ્રહ્લાદ જોશીએ આ મામલે કહ્યું કે ટીએમસીના સાંસદ ડેરેક ઓ બ્રાયને જે પાપડી ચાટ વાળું નિવેદન આપ્યું હતું તે ખરેખરમાં અપમનાજનક છે.
ટ્વીટર પર ટ્વીટ
સોમવારે તેમણે ટ્વીટર પર ટ્વીટ કરીને બિલ કરવા મુદ્દે સરકારને ખરી ખોટી સંભળાવી હતી. જેમા તેમણે કહ્યું કે સરકાર કાયદો બનાવે છે કે પાપડી ચાટ ? સાથેજ તેમણે એક ચાર્ટ પણ તૈયાર કર્યો હતો. જેમા કયું બિલ કેટલા સમય માટે પાસ કર્યું છે તે મુદ્દે પણ ચર્ચા કરવામાં આવી હતી.
"પાપડી ચાટ" નિવેદન
પ્રહ્લાદ જોશીએ કહ્યું કે વડાપ્રધાને પાપટી ચાટ વાળું નિવેદન અપમાનજનક ગણાવ્યું છે. સાથેજ તેમણે એવું પણ કહ્યું સંસદમાં કાગળો ફાડીને ફેકવા અને તેને લઈને માફી પણ ન માગવી તે ખરેખરનમાં અપમાનજનક કહી શકાય.
સાંસદોને સદનનું માન રાખવા નિવેદન
આ બેઠકમાં વડાપ્રધાન મોદી આજે તેમના તમામ સાંસદોને શાત રહેવા તેમજ સદનનું માન રાખવા માટે કહ્યું હતું. સાથેજ તેમણે એવું કહ્યું હતું ગૃહમાં કામગીરી યથાવત રહે તે આપણી જવાબદારી છે.
વિપક્ષના સરકાર પર પ્રહાર
ઉલ્લેખનીય છે કે એકજ અઠવાડિયાનાં બીડજી વખત ગૃહમાં કામગીરી ઠપ થઈ જેના કારણે વડાપ્રધાન મોદી દ્વારા વિપક્ષ પર પ્રહાર કર્યા. બીજી તરફ પેગાસસ અને કૃષિ કાયદાઓને લઈને વિપક્ષ દ્વારા હોબાળો દર વખતે કરવામાં આવી રહ્યો છે.